Egzod 10:22 - Labib An Kreol Seselwa

²² Moiz ti lev son lanmen ver lesyel e en teneb epe ti kouver Lezip antye pandan trwa zour.

Egzod 10:22 ပူးပေါင်းရင်းမြစ်များ

Liv Zob 5:14

Dan gran lizour, zot bite dan fernwanr. Zot tat zot semen dan gran lizour, konmsi aswar.

Psonm 105:28

Bondye ti fer teneb vini e fernwanr ti tonm partou. Personn pa ti opoz son parol.

Egzod 20:21

Lepep ti debout lwen pandan ki Moiz ti apros kot Bondye ti ete dan sa nyaz epe.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Ezekyel 32:7

Kan ou pou ganny tennyen, mon pou kouver lesyel e fer vin sonm bann zetwal. Mon pou kouver soley avek en nyaz e lalin pou nepli donn son lalimyer.

Ezekyel 32:8

Akoz ou, mon pou fer tou lalimyer dan lesyel vin sonm e plonz ou pei antye dan fernwanr. Senyer BONDYE ki deklare.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Amos 4:7

Mon'n anpes lapli tonbe depi trwa mwan avan rekolt. Mon'n fer lapli tonm lo en lavil me pa lo en lot lavil. Lapli in tonm lo en plantasyon me sa enn ki pa'n ganny lapli, in sek.

Deterononm 4:11

Zot ti aprose e debout devan montanny ki ti anflanm ziska dan lesyel e kouver avek nyaz ek brouyar.

Deterononm 5:22

Sa i bann parol ki SENYER ti prononse avek en lavwa pwisan, devan tou sa bann ki ti'n rasanble lo montanny, dan milye dife, lafimen, e dan gro fernwanr. I pa ti azout nanryen. I ti ekri sa bann parol lo de plak ros ki i ti donn mwan.

Revelasyon 16:10

Senkyenm lanz ti devers son lakoup lo tronn sa bebet. Son rwayonm ti ganny anvlope dan fernwanr. Dimoun ti mord zot lalang avek douler.