Ebre 3:9 - Labib An Kreol Seselwa

⁹ Laba, zot zanset ti teste mwan; zot ti war sa ki mon ti'n fer pandan 40 an.

Ebre 3:9 ပူးပေါင်းရင်းမြစ်များ

Psonm 95:9

Laba, zot zanset ti teste mwan, menm si zot ti'n war tou sa ki mon ti'n fer.

Egzod 19:4

Zot in war sa ki mon ti fer avek Lezip: Mon ti anmenn zot, parey en leg i anmenn son piti lo son lezel, e mon'n fer zot retourn kot mwan.

Egzod 20:22

SENYER ti dir Moiz, “La sa ki ou pou dir pep Izrael: Zot in war zot menm ki depi lesyel, mon'n koz avek zot.

Amos 2:10

Mon ti fer ou sorti Lezip; mon ti kondwir ou atraver dezer pandan 40 an, pour ou pran posesyon pei bann Amorit.

Nonm 14:33

Zot zanfan pou viv lavi berze pandan 40 an. Zot pou sibir konsekans zot enfidelite, ziska ki sa enn dernyen i mor.

Levanzil dapre Lik 7:22

Apre, Zezi ti reponn zot, “Al rakont Zan sa ki zot in war e tande: Bann aveg i war kler; bann paralize i marse; bann ki annan maladi parey lalep i ganny geri; bann sourd i tande; bann mor i reganny lavi; bann pov i antann Bonn Nouvel.

Akt de Zapot 13:8

Me mazisyen Elimas, sa i son non an Grek, ti opoz Barnabas ek Sol. I ti oule anpes gouverner krwar dan Parol Bondye.

Akt de Zapot 7:36

Pour li fer bann Izraelit sorti Lezip, Moiz ti fer serten siny ek mirak dan sa pei, dan lanmer Rouz e pandan 40 an dan dezer.

Deterononm 11:7

Zot in war avek zot prop lizye, tou sa bann gran mervey ki SENYER in fer.

Deterononm 29:2

Moiz ti konvok pep Izrael antye. I ti dir zot: Zot in war avek zot lizye tou sa ki SENYER in fer Faraon, son bann serviter ek son pei antye.

Deterononm 4:3

Zot menm, zot in war tou sa ki SENYER in fer Baal-Peor: Ki mannyer SENYER, ou Bondye ti detri tou sa bann zonm ki ti swiv Baal-Peor.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Deterononm 8:4

Pandan sa 40 an, ou lenz pa ti ize lo ou, ni ou lipye pa ti anfle.

Zozye 23:3

Zot menm, zot in war tou sa ki SENYER, zot Bondye in fer avek tou sa bann nasyon akoz zot. SENYER, zot Bondye ki'n konbat pour zot.

Zozye 24:7

Kan zot ti kriy ver SENYER, i ti met fernwanr ant zot avek bann Ezipsyen; i ti fer lanmer kouver zot. Zot lizye ti war sa ki mon ti fer kont Lezip. Zot ti reste lontan dan dezer.

Zozye 5:6

Annefe, pep Izrael ti'n mars pandan 40 an dan dezer, ziska ki tou sa nasyon ti'n disparet, bann gerye ki ti'n sorti Lezip ki pa ti'n ekout SENYER. SENYER ti'n fer serman ki sa bann zonm pa pou war sa pei ki i ti'n promet avek zot bann zanset pour donn nou, sa pei kot dile ek dimyel i koule.