Ebre 12:23 - Labib An Kreol Seselwa

²³ Zot, zot in vin dan lasanble bann garson premye ne ki'n ganny anrezistre dan lesyel. Zot in apros Bondye ki ziz tou dimoun, e avek lespri bann zonm zis, ki'n ariv ziska perfeksyon.

Ebre 12:23 ပူးပေါင်းရင်းမြစ်များ

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

Psonm 111:1

Loue SENYER! Mon pou loue SENYER avek tou mon leker parmi bann ki leker i pir.

Psonm 69:28

Efas zot non dan liv lavi! Pa kont zot parmi bann zis!

Psonm 89:27

Mon pou fer li vin mon premye garson, pli gran parmi bann lerwa lo later.

Psonm 89:7

Bondye i ganny respekte dan konsey bann lanz; i gran e formidab dan son lantouraz.

Psonm 94:2

Ou ki ziz later! Leve. Pini bann orgeye dapre sa ki zot merite.

Psonm 96:13

devan SENYER, akoz i pe vini; i pe vini pour ziz later. I pou ziz lemonn dapre lazistis e bann pep dan laverite.

Psonm 98:9

dan SENYER ki pe vini pour ziz lemonn. I pou ziz later avek lazistis, san fer okenn preferans parmi bann pep.

Egzod 13:2

“Konsakre tou bann premye ne pour mwan. Imen koman zannimo parmi bann Izraelit i pour mwan.”

Egzod 32:32

Mon sipliy ou, oubliy zot pese. Sinon efas mon non lo ou Liv; sa enn ki ou'n ekri.”

Egzod 4:22

Ou ava dir Faraon: La sa ki SENYER i deklare: Izrael i mon lene garson.

Eklezyas 12:7

avan ki lapousyer i retourn dan later kot in ganny tire e souf lavi i retourn kot Bondye ki ti donn li.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Levanzil dapre Lik 10:20

Malgre sa, pa rezoui akoz bann lespri in soumet avek zot; me rezoui plito akoz zot non in ganny ekri dan lesyel.”

Levanzil dapre Zan 5:27

I'n donn son Garson drwa pour zize, akoz i Fis-de-Lonm.

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

1 Korentyen 13:12

Aprezan, nou war en zimaz flou ki reflekte dan en laglas; me plitar, nou pou war fas a fas. Sa ki mon konnen ozordi, i enkonplet; me plitar, mon pou konn Bondye konpletman, parey li menm i konn mwan.

1 Korentyen 15:49

Parey nou port resanblans sa zonm ki'n ganny fer avek later, nou pou port resanblans sa enn ki'n sorti dan lesyel.

1 Korentyen 15:54

Alor, kan sa enn ki devre pouri, ava'n ganny en natir ki pa kapab pouri, e kan sa ki mortel ava'n vin imortel, alor, sa ki Lekritir in deklare, pou ganny akonpli: Lanmor i ganny detri; laviktwar i konplet.

2 Korentyen 5:8

Wi! Nou ranpli avek kouraz e nou ti ava prefere kit sa lekor pour nou al viv avek Senyer.

Efezyen 1:22

Bondye in plas tou anba lipye Kris e i'n etabli li koman sef parlao tou, koman sef siprenm.

Deterononm 21:17

I ava bezwen rekonnet sa garson ki i ti ganny avek sa fanm ki i pa kontan. Koman son premye ne, sa garson ava bezwen ganny doub par dan tou sa ki i posede. Annefe, sa garson i premye ne son virilite; li garson premye ne ki annan sa drwa.

Filipyen 4:3

E ou osi, mon fidel koleg travay, mon demann ou, ed sa bann fanm. Ansanm avek Kleman ek lezot koleg travay ki zot non in ekri dan liv lavi, zot in konbat avek mwan pour anons Bonn Nouvel.

Kolosyen 1:12

Remersye Bondye nou Papa dan lazwa: I'n rann zot kapab ganny par dan leritaz pep Bondye dan son rwayonm lalimyer.

Kolosyen 1:24

Aprezan, mon trouv mon lazwa dan bann soufrans ki mon pe pas atraver pour zot. Par mon bann soufrans fizik, mon pe kontinyen konplet soufrans lekor Kris, setadir, Legliz.

1 Timote 3:5

Annefe, si en dimoun pa konn diriz son prop lakour, ki mannyer i pou kapab pran swen Legliz Bondye?

Ebre 11:4

Par lafwa, Abel ti ofer en meyer sakrifis ki sakrifis Kaen. Akoz lafwa Abel, Bondye ti deklar li zis. Pour sa rezon, i ti aprouv son lofrann. Par son lafwa, Abel pe kontinyen koze menm si i'n mor.

Ebre 11:40

Annefe, Bondye ti annan en meyer plan pour nou, pour ki zot ariv dan perfeksyon ansanm avek nou.

Ebre 2:12

Annefe, i ti deklare: Mon pou anons ou non avek mon bann frer. Mon pou loue ou devan lasanble.

Ebre 9:27

Tou dimoun in destinen pour mor en sel fwa, e apre ganny zize par Bondye.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

1 Pyer 2:23

Kan zot ti ensilte li, i pa ti reponn par lensilt. Dan son soufrans, i pa'n fer okenn menas; me i ti met tou dan lanmen Bondye ki rann lazistis.

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.

Revelasyon 14:4

Se sa bann ki pa'n sali zot avek bann fanm akoz zot ankor vyerz. Zot swiv Zenn Mouton partou kot i ale. Zot in ganny reaste parmi bann zonm pour ganny ofer koman bann premye fri devan Bondye e devan Zenn Mouton.

Revelasyon 20:15

Tou bann ki zot non pa ti ganny trouve ekri dan Liv lavi, ti ganny zete dan lak dife.

Revelasyon 6:11

Alor, sakenn ti ganny en rob blan. Zot ti ganny demande pour pasyante ankor en pti pe letan, ziska ki tou zot bann frer ek lezot serviter ki devre ganny touye parey zot, ava ariv son kantite konplet.

Revelasyon 6:9

Kan Zenn Mouton ti ouver senkyenm sele, mon ti war anba lotel bann ki ti'n ganny touye akoz Parol Bondye e akoz temwannyaz ki zot ti'n donnen.