Ebre 11:32 - Labib An Kreol Seselwa

³² Ki mon devre dir ankor? Napa ase letan pour mwan koz lo Zedeon, Barak, Sanmson, Zefte, David, Samyel, ek bann profet.

Ebre 11:32 ပူးပေါင်းရင်းမြစ်များ

Psonm 99:6

Moiz ek Aaron ti parmi son bann pret. Samyel osi ti parmi bann ki ti envok son non.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Matye 5:12

Rezoui e santi zot ere, akoz annan en gran rekonpans pe esper zot dan lesyel! Konmsa menm ki zot bann zanset ti persekit bann profet avan zot.

Levanzil dapre Lik 13:28

La, zot pou plere e grens ledan. Annefe, zot pou war Abrahanm, Izaak ek Zakob, ek tou bann profet dan Rwayonm Bondye. Me zot, zot in ganny zet deor.

Levanzil dapre Lik 16:31

Abrahanm ti reponn: Si zot pa oule ekout Moiz ek bann profet, zot pa pou krwar menm si en mor i resisite.”

Levanzil dapre Zan 21:25

Zezi in fer ankor bokou lezot keksoz. Si nou ti pou ekri tou an detay, mon mazinen ki menm lemonn antye pa ti pou kapab kontenir tou sa bann liv ki ti pou ganny ekri.

Akt de Zapot 10:43

Tou bann profet in koz lo li. Zot in dir ki sa enn ki krwar dan li pou ganny pardon son bann pese par pouvwar son non.”

Akt de Zapot 13:20

Tousala in dire pandan anviron 450 an. Apre sa, i ti donn zot bann ziz ziska lepok profet Samyel.

Akt de Zapot 3:24

Tou bann profet ki'n koze depi letan Samyel ziska ozordi, enn apre lot, in anons sa ki pe arive ozordi.

Romen 3:5

Me si nou bann move aksyon i montre ki Bondye i zis, ki nou kapab dir? Eski Bondye i enzis akoz i pini nou? La mon pe rezonn koman en zonm.

Romen 4:1

Alor, ki nou pou dir lo Abrahanm nou zanset? Kwa ki in gannyen koman en zonm?

Romen 6:1

Ki nou pou dir alor? Eski nou pou kontinyen viv dan pese pour ki lagras Bondye i ogmante?

Romen 7:7

Ki nou pou dir alor? Eski Lalwa dan li menm i pese? Sertennman non! Me par Lalwa, mon'n konnen kisisa pese. Mon pa ti pou konnen kisisa dezir si Lalwa pa ti dir mwan: Pa annan move dezir.

Let Zak 5:10

Mon bann frer! Pran pour legzanp, lasoufrans ek pasyans bann profet ki'n anons mesaz Senyer.

2 Pyer 1:21

Annefe, napa okenn mesaz profesi ki'n ganny prodwir par lavolonte imen, me se Lespri Sen ki'n pous dimoun pour koz delapar Bondye.

2 Pyer 3:2

Mazin bann parol ki bann sen profet in anonse, ensi ki bann komannman ki nou Senyer e Sover in donnen par zot bann zapot.

Ziz 13:24

Fanm Manoa ti donn nesans en garson ki i ti apel Sanmson. Sa zanfan ti grandi e SENYER ti beni li.

Ziz 15:20

Sanmson ti ziz dan Izrael, dan lepok bann Filisten, pandan 20 an.

Ziz 4:1

Apre lanmor Ehoud, bann Izraelit ti rekonmans fer sa ki pa ti fer plezir SENYER.

Ziz 6:1

Bann Izraelit ti fer sa ki ti depler SENYER. SENYER ti livre zot dan lanmen bann Madyanit pandan set an.

Ziz 6:11

Mesaze SENYER ti vin asiz anba pye dibwa sakre, Ofra, ki ti pou Yoas, ki sorti dan klan Abiezer. Zedeon, son garson, ti pe bat dible dan preswar kot rezen i ganny kraze. Konmsa, bann Madyanit pa ti war li.

Ziz 6:14

SENYER ti tourn ver li. I ti dir li, “Ale! Avek sa lafors ki ou annan, ou ava sov Izrael dan lanmen Madyann. Mwan ki pe anvoy ou.”

1 Samyel 1:20

Ver lafen lannen, Ann ti tonm ansent e i ti ganny en garson ki i ti apel Samyel an dizan: Mon ti demann li SENYER.

1 Samyel 12:11

SENYER ti anvoy Yeroub-Baal; apre, Bedann, Zefte ek Samyel. I ti delivre zot dan lanmen zot bann lennmi ki ti pe anserkle zot e zot ti kapab reste an sekirite.

1 Samyel 16:1

SENYER ti dir Samyel, “Ziska kan ou pou pler Sail? Mwan, mon'n rezet li koman lerwa Izrael. Ranpli ou korn avek delwil e ale. Mon anvoy ou kot Zese en zabitan Betlehenm, akoz mon'n war mon lerwa parmi son bann zanfan.”

1 Samyel 16:13

Samyel ti pran sa korn delwil e vers lo son latet parmi tou son bann frer. Apartir sa zour, lespri SENYER ti desann lo David. Samyel ti retourn Rama.

1 Samyel 17:45

David ti dir sa Filisten, “Ou, ou vin kont mwan avek lepe ek lans; me mwan, mon vin lo non SENYER liniver, Bondye bann troup Izrael, ki ou'n ensilte.

1 Samyel 2:11

Elkana ti retourn kot li Rama, me sa pti garson ti reste pour servi SENYER anba sirveyans pret Eli.

1 Samyel 2:18

Sa pti garson, Samyel, abiye dan en lefod fer avek latwal linenn, ti kontinyen servi SENYER.

1 Samyel 2:4

Tou zarm bann gerye in ganny detri, me bann ki ti feb i reganny lafors.