Ebre 10:24 - Labib An Kreol Seselwa

²⁴ Annou rode koman nou pou kapab ankouraz kanmarad pour annan lanmour e fer sa ki byen.

Ebre 10:24 ပူးပေါင်းရင်းမြစ်များ

Psonm 41:1

I byennere sa enn ki port atansyon lo bann ki pov! SENYER pou delivre li kan i dan maler.

Proverb 29:7

Sa enn ki zis i konn drwa en pov; en malfeter pa konpran sa.

Akt de Zapot 11:29

Alor, bann disip ti deside dapre zot mwayen, anvoy en kontribisyon pour bann frer ki ti reste dan Zide.

Romen 11:4

Me ki Bondye ti reponn li? “Mon'n rezerv pour mwan 7,000 zonm ki pa'n pliy zenou devan Baal.”

Romen 12:15

Rezoui avek sa enn ki dan lazwa, e pran lapenn avek sa enn ki dan lapenn.

1 Korentyen 10:33

Fer parey mwan: Mon fer tou pour fer plezir tou dimoun dan tou sirkonstans. Mon pa pe rod mon prop lentere, me lentere en gran kantite dimoun pour ki zot ganny sove.

1 Korentyen 9:22

Parmi bann ki feb, mon viv konmsi mwan osi mon feb pour mwan ganny zot. Alor, mon fer mwan vin tou avek tou dimoun, pour mwan sov par tou mannyer posib, detrwa parmi zot.

2 Korentyen 8:8

Mon pa pe donn zot en lord, me mon pe teste senserite zot lanmour e konpar zot devouman avek sa ki pour lezot.

2 Korentyen 9:2

Annefe, mon konn zot bonn volonte, e mon'n dir devan bann Masedonyen koman mon fyer akoz zot. Mon'n dir zot ki Lagres in pare depi lannen pase. Zot devouman in ankouraz laplipar parmi zot.

Galat 5:13

Mon bann frer ek ser! Zot in ganny apele pour viv lib. Me selman, pa fer sa liberte en preteks pour viv dapre dezir zot natir. O kontrer, les zot ganny gide par lanmour pour servi kanmarad.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Galat 6:1

Mon bann zanmi! Si zot arive sirprann en dimoun pe fer en keksoz mal, zot ki posed Lespri Bondye, zot devre anmenn li lo vre semen avek douser. Sakenn vey byen son prop lekor, fer atansyon ki ou menm, ou pa ganny tante.

Kolosyen 3:16

Mon demande ki parol Kris i reste dan zot avek tou son larises. Enstri, e averti kanmarad avek lasazes. Avek rekonesans, loue Bondye avek psonm, kantik ek sanson enspire par Lespri.

1 Tesalonisyen 1:3

Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.

1 Tesalonisyen 5:11

Alor, ankouraz e fortifye kanmarad, parey zot pe fer.

2 Tesalonisyen 3:9

Nou ti azir konmsa, pa akoz nou ti napa drwa resevwar zot led, me akoz nou ti oule donn zot en legzanp pour swiv.

1 Timote 6:18

Konsey zot pour fer sa ki byen; zot devre ris an bonn aksyon. Zot devre montre zot zenere e touzour pare pour partaz avek lezot.

Let Pol pour bann Tit 2:4

Ki zot aprann bann zenn fanm ki mannyer pour kontan zot mari ek zot bann zanfan.

Let Pol pour bann Tit 3:8

Sa i en parol sir. Mon oule ki ou ensiste bokou lo sa bann pwen, pour ki bann ki krwar dan Bondye, zot angaz zot pour fer bann bon aksyon. Sa i bon e itil pour tou dimoun.

Ebre 13:1

Kontinyen kontan kanmarad koman bann frer ek ser.

Ebre 13:3

Mazin bann prizonnyen, konmsi ou ti dan prizon avek zot. Mazin bann ki ganny tortire, konmsi ou osi, ou pe ganny tortire.

Ebre 3:13

Okontrer, ankouraz kanmarad tou le zour, osi lontan ki i apel “ozordi” pour ki personn parmi zot, pa les li ganny tronpe par pese e andirsi son leker.

1 Zan 3:18

Mon bann zanfan! Annou pa kontan zis par bann zoli parol, e zoli diskour, me montre par nou bann aksyon ki nou lanmour i vre.