Deterononm 8:19 - Labib An Kreol Seselwa

¹⁹ Si ou oubliy SENYER, ou Bondye pour swiv lezot bondye, servi zot e ador zot, mon pe averti ou solannelman ozordi ki ou pou disparet.

Deterononm 8:19 ပူးပေါင်းရင်းမြစ်များ

Zeremi 25:6

Pa ador e servi lezot bondye e pa fer mwan ankoler avek bann stati ki zot in fabrike. Si zot ti'n obei SENYER, i pa ti pou pini zot.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Danyel 9:2

Dan premye lannen son renny, mwan, Danyel, mon ti konsilte bann liv sakre pour konpran parol ki SENYER ti'n donnen par profet Zeremi. Mon ti konpran ki Zerizalenm pou reste detri pour 70 lannen.

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Sofoni 1:18

Ni zot larzan, ni zot lor pa pou kapab sov zot. Dife son zalouzi pou devor later antye. Sa pou en destriksyon terib. Tou zabitan later pou ganny eksterminen.

Sofoni 3:6

Mon'n fer bann nasyon disparet. Mon'n demoli zot miray defans. Mon'n fer zot semen vin en ta debri, kot personn pa pase. Zot bann lavil in ganny detri, i nepli annan okenn zabitan.

Malasi 4:4

Rapel byen bann lalwa, bann komannman ek bann regleman, ki mon ti donn mon serviter Moiz lo montanny Horeb pour pep Izrael antye.

Levanzil dapre Lik 13:3

Non, mon dir zot. Me si zot pa repanti e sanz zot lavi, zot tou, zot pou mor parey.

Levanzil dapre Lik 13:5

Non, mon dir zot. Me si zot tou, zot pa sanz zot lavi, zot pou disparet parey.”

Deterononm 11:16

Me atansyon zot pa les zot leker ganny sedwir pour al servi e ador lezot bondye.

Deterononm 31:20

Annefe, mon pou anmenn zot dan en pei kot dile ek dimyel i koule. Sa i en serman ki mon ti fer avek zot bann zanset. Ler zot in byen manze, rasazye e vin gra, zot al kot lezot bondye e servi zot, mepriz mwan e kas mon lalyans.

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.

Zozye 23:13

zot ava war ki SENYER, zot Bondye, pa pou kontinyen sas sa bann nasyon devan zot. Zot ava vin en latrap, en pyez, en roten ki pou fwet zot lo zot ledo, e bann pikan dan zot lizye, ziska ki zot ava disparet lo sa bon later ki SENYER, zot Bondye in donn zot.

1 Samyel 12:25

Me si zot fer sa ki mal, i pou detri zot avek zot lerwa.”