Deterononm 8:18 - Labib An Kreol Seselwa

¹⁸ Rapel byen SENYER, ou Bondye akoz ou lafors ek ou larises i sorti kot li. Konmsa, i ava etabli son lalyans ki i ti fer par en serman avek ou bann zanset; sa ki i pe fer ozordi.

Deterononm 8:18 ပူးပေါင်းရင်းမြစ်များ

Zenez 32:14

200 femel kabri ek 20 kabri mal, 200 femel mouton ek 20 mouton mal,

1 Kronik 29:12

Larises ek loner i sorti kot ou; ou ki domin lo tou keksoz. Pouvwar ek pwisans i dan ou lanmen; ou lanmen ki kapab rann nou gran e for.

2 Kronik 25:9

Amasya ti dir avek profet, “Alor ki pou arive apre ki mon'n pey tou sa larzan bann Izraelit?” Profet ti reponn, “SENYER i kapab donn ou bokou plis.”

Psonm 144:1

Mon loue SENYER, mon Ros protekter. I prepar mon lanmen pour lager. I prepar mon bann ledwa pour konba.

Psonm 44:3

Pa avek zot lepe ki zot ti ganny sa pei; pa avek zot lafors, ki zot ti ganny laviktwar. Me par ou lanmen, par ou lafors, par lalimyer ou prezans, akoz ou ti kontan zot.

Proverb 10:22

Benediksyon SENYER i donn larises; i pa anmenn okenn sagren.

Eklezyas 12:1

Pandan ki ou ankor zenn, pa oubliy ou Kreater, rapel li byen avan ki bann zour maler i tonm lo ou e ou dir: Mon nepli annan plezir dan nanryen.

Eklezyas 9:11

Mon'n osi dekouver anba soley, ki dan en paryaz pa sa ki pli rapid ki gannyen; laviktwar pa vin pour sa enn ki pli vayan; dipen pa vin pour sa ki pli saz e larises pour sa ki pli entelizan, ni faver pour sa ki pli savan, akoz tou i depann lo letan ek sirkonstans.

Zeremi 23:27

Par sa bann rev ki zot rakont kanmarad, zot oule fer mon pep oubliy mon non, parey zot bann zanset ti oubliy mon non pour al ador Baal.

Oze 2:8

I pa ti'n konpran sa: Mwan ki ti pe donn li dible, diven ek delwil. Mon ti donn li larzan ek lor, me i ti servi pour ofer Baal.

Deterononm 26:10

Alor, ozordi mon pe anmenn bann premye fri sa later ki ou SENYER in donn mwan. Ou ava depoz sa korbey devan SENYER, ou Bondye e prostern devan SENYER, ou Bondye.

Deterononm 6:11

bann lakaz ranpli avek en kantite bon keksoz ki ou pa'n anmennen; bann pwi ki ou pa'n fouye, bann plantasyon rezen ek pye zoliv ki ou pa'n plante. Ler ou ava'n manze e rasazye,

Deterononm 7:12

Si ou ekout sa bann lalwa e pran swen pour obzerv zot e met zot an pratik, SENYER, ou Bondye ava gard son lalyans anver ou e kontinyen gard sa promes ki i ti fer par en serman avek ou bann zanset.

Deterononm 7:8

Sa ti akoz SENYER in kontan ou. Akoz in gard serman ki i ti fer avek ou bann zanset, ki SENYER, par son pwisans, ti tir ou e sov ou dan lesklavaz, dan lanmen Faraon, lerwa Lezip.

Deterononm 8:1

Ou ava gard tou bann komannman ki mon ordonn ou ozordi. Konmsa, ou ava viv e vin nonbre. Ou ava antre e pran posesyon sa pei ki SENYER ti'n promet par en serman avek ou bann zanset.

Ziz 3:7

Pep Izrael ti fer sa ki depler SENYER: Zot ti oubliy SENYER zot Bondye pour al ador bann Baal ek bann Asera.

Ziz 7:2

SENYER ti dir Zedeon, “Ou larme i tro nonbre pour mwan livre Madyann dan ou lanmen; Izrael ava kapab fer vantar lo mon depan e dir: Mon prop lafors ki'n sov mwan.

1 Samyel 2:7

SENYER ki rann en dimoun pov oubyen ris. I abes dimoun e i fer li releve.