Deterononm 7:24 - Labib An Kreol Seselwa

²⁴ I pou livre zot bann lerwa; ou ava efas zot non lo later. Personn pa pou reziste devan ou, ziska ki ou'n detri zot tou.

Deterononm 7:24 ပူးပေါင်းရင်းမြစ်များ

Psonm 9:5

Ou'n kraz bann nasyon etranze; ou'n detri bann malfeter e zot non in ganny efase pour touzour.

Egzod 17:14

SENYER ti dir Moiz, “Ekri sa koman en souvenir e fer Zozye konnen ki mon pou fer disparet bann Amalesit konpletman anba lesyel.”

Proverb 10:7

Souvenir sa enn ki zis i anmenn benediksyon. Me non en malfeter pou tonm an pouritir.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.

Zeremi 10:11

La sa ki ou ava dir sa bann nasyon: Sa bann bondye ki pa'n kre ni lesyel ni later pou ganny detri lo later e zot pou disparet anba lesyel.

Sofoni 1:4

Mon pou lev mon lanmen kont Zida e kont tou zabitan Zerizalenm. Mon pou fer disparet dan sa landrwa, bann Baal ki reste, menm non bann pret ki ti servi li.

Romen 8:37

Pourtan, dan tousala, nou sorti gran venker, gras a sa enn ki'n kontan nou.

1 Korentyen 15:57

Me annou rann glwar Bondye ki donn nou laviktwar atraver nou Senyer Zezi-Kri.

Deterononm 11:25

Personn pa pou kapab afront zot. Parey in promet zot, SENYER, zot Bondye ava senm laper ek lafreyer dan tou pei kot zot ava poz zot lipye.

Deterononm 25:19

Alor, Kan SENYER, ou Bondye ava'n asir ou sekirite kont tou ou bann lennmi dan pei ki SENYER, ou Bondye pou donn ou pour patrimwann, ou ava detri tou bann Amalesit anba lesyel, e ki personn pa rapel zot ankor.

Deterononm 29:20

SENYER pa pou pardonn zot, akoz lakoler ek zalouzi SENYER pou monte kont zot. Tou bann malediksyon ki'n ganny ekri dan sa liv ava tonm lo zot e SENYER ava efas zot non anba lesyel.

Deterononm 9:14

Les mwan detri zot e fer zot disparet anba lesyel. Mon pou fer ou vin en nasyon pli pwisan e pli nonbre ki sa pep.

Deterononm 9:3

Ozordi, rekonnet ki SENYER, ou Bondye i sa enn ki pe travers larivyer Zourden devan ou parey en dife ki bril tou. I pou detri zot e imilye zot devan ou. Konmsa, ou ava kapab pran tou sa ki zot annan e detri zot vitman, parey SENYER ti promet ou.

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Zozye 10:23

Zot ti fer li. Zot ti tir sa senk lerwa dan kavern e anmenn kot Zozye. Sa ti lerwa Zerizalenm, lerwa Hebron, lerwa Yarmout, lerwa Lakis ek lerwa Eglonn.

Zozye 10:40

Zozye ti ganny laviktwar lo sa pei antye ek zot bann lerwa: Rezyon montanny, rezyon Negev, rezyon laplenn, ziska dan bann rezyon anpant. I pa ti les okenn sirvivan. I ti detri tou et vivan, parey SENYER, Bondye Izrael ti'n ordonn li.

Zozye 10:42

Zozye ti kaptir tou sa bann lerwa e pran posesyon tou zot teritwar en sel kou, akoz SENYER Bondye Izrael ti pe lager pour Izrael.

Zozye 10:8

SENYER ti dir Zozye, “Pa per zot, mon'n livre zot dan ou lanmen. Personn pa pou kapab tenir devan ou.”

Zozye 11:17

I ti ranport laviktwar lo tou bann lerwa, touy zot e kaptir tou zot teritwar depi montanny Alak dan rezyon Seir, ziska Baal-Gad, dan vale Liban anba montanny Hermon.

Zozye 12:24

lerwa Tirsa. An tou 31 lerwa.

Zozye 21:44

SENYER ti garanti zot lape lo tou bann frontyer, parey i ti'n promet zot bann zanset. SENYER ti'n livre tou zot bann lennmi dan zot lanmen; personn pa ti kapab reziste zot.

Zozye 23:3

Zot menm, zot in war tou sa ki SENYER, zot Bondye in fer avek tou sa bann nasyon akoz zot. SENYER, zot Bondye ki'n konbat pour zot.

Zozye 23:9

Annefe, SENYER in sas bokou gran nasyon for devan zot, e ziska ozordi, personn pa'n kapab tenir debout kont zot.

Zozye 6:2

SENYER ti dir Zozye, “Gete! Mon'n livre Zeriko dan ou lanmen, son lerwa ek son bann vayan gerye.