Deterononm 6:24 - Labib An Kreol Seselwa

²⁴ Alor, SENYER ti ordonn nou pour obzerv tou sa bann regleman. Nou pou touzour ere, si nou annan respe pour SENYER, nou Bondye; i pou gard nou vivan parey i pe fer ozordi.

Deterononm 6:24 ပူးပေါင်းရင်းမြစ်များ

Psonm 41:2

SENYER i protez li, i gard li vivan e rann li ere lo later. I pa pou les li tonm dan lanmen son bann lennmi.

Psonm 41:3

SENYER i soutenir li kan i malad. I geri li dan tou son maladi.

Psonm 66:9

I'n prezerv nou lavi. I pa'n les nou glise.

Egzod 20:20

Moiz ti dir lepep, “Pa bezwen per, akoz Bondye in vin teste zot pour ki zot ava annan respe pour li e pa fer pese.”

Proverb 22:4

Larises, loner ek lavi, i rekonpans sa enn ki posed limilite e respe pour SENYER.

Proverb 9:12

Si ou saz, zis ou ki pou profite; si ou ensolan, zis ou ki pou port konsekans.

Ezai 3:10

Dir sa ki inosan koman i ere, akoz i pou rekolte fri son travay.

Zeremi 32:39

Mon pou donn zot en sel leker e en sel mannyer viv ki ava fer zot annan respe pour mwan, pour touzour. Sa i ava pour zot prop boner e osi pour boner zot bann desandan.

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Levanzil dapre Lik 10:28

Zezi ti dir li, “Ou'n byen reponn. Fer tousala e ou ava viv.”

Romen 10:5

Moiz in ekri ki en dimoun ki pratik lazistis baze lo Lalwa, pou viv par Lalwa.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 4:4

Zot ki'n reste fidel anver SENYER, zot Bondye, zot ankor vivan ozordi.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Deterononm 6:23

In fer nou sorti laba, pour fer nou antre isi dan sa pei ki i ti'n promet par en serman avek nou bann zanset pour li donn nou.

Deterononm 8:1

Ou ava gard tou bann komannman ki mon ordonn ou ozordi. Konmsa, ou ava viv e vin nonbre. Ou ava antre e pran posesyon sa pei ki SENYER ti'n promet par en serman avek ou bann zanset.

Deterononm 8:3

In imilye ou; in fer ou konn lafen pour li apre nouri ou avek lamann ki ni ou, ni ou bann zanset pa ti konnen. I ti fer sa pour ou konpran ki zonm pa viv zis lo dipen, me lo tou parol ki sorti dan labous SENYER.