Deterononm 6:15 - Labib An Kreol Seselwa

¹⁵ akoz SENYER, ou Bondye ki viv parmi ou, i en Bondye zalou. Lakoler SENYER, ou Bondye i kapab anflanmen kont ou e detri ou lo later.

Deterononm 6:15 ပူးပေါင်းရင်းမြစ်များ

Zenez 7:4

Dan ankor set zour, mon pou fer lapli tonbe lo later pandan 40 zour e 40 nwit; mon pou fer disparet lo later tou bann et vivan ki mon'n fer.”

1 Rwa 13:34

Sa ti pese lafanmir Zeroboanm. Pour sa rezon ki i'n ganny detri e i'n disparet konpletman lo later.

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Psonm 90:11

Lekel ki kapab konn lafors ou lakoler? Nou lafreyer i osi gran ki ou lakoler.

Psonm 90:7

Ou lakoler i detri nou. Ou lakoler vyolan i fer nou tranble.

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Egzod 32:12

Si ou fer sa, bann Ezipsyen ava dir: I ti annan lentansyon touy zot. Pour sa rezon ki i ti delivre zot, anmenn zot dan montanny e fer zot disparet lo later! Pez ou gran lakoler e renonse fer dimal ou pep.

Zeremi 28:16

Alor, la sa ki SENYER i deklare: Mon pou fer ou disparet lo sa later. Ou pou mor sa lannen, akoz ou'n fer dimoun revolte kont SENYER.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Amos 9:8

Lizye Senyer BONDYE pa kit rwayonm Izrael ki koupab. Mon pou fer li disparet lo sirfas later. Me mon pa pou detri bann desandan lafanmir Zakob. SENYER ki deklare.

Nonm 35:34

Pa bezwen rann enpir later kot ou reste, e kot mon reste, akoz mwan SENYER mon reste parmi pep Izrael.

1 Korentyen 10:22

Eski nou oule fer Senyer zalou? Eski nou krwar ki nou pli for ki li?

Deterononm 11:17

Alor, zot pou fer lakoler SENYER monte kont zot. I ava ferm lesyel e okenn lapli pa pou tonbe. Pei pou nepli prodwir okenn rekolt e zot ava disparet rapidman dan sa bon pei ki SENYER pe al donn zot.

Deterononm 4:24

Rapel byen ki SENYER, ou Bondye i en dife ki devor tou. I en Bondye zalou.

Deterononm 5:9

Ou pa pou prostern devan zot ni ador zot. Mwan SENYER, ou Bondye, mon en Bondye zalou. Mon pini bann zanfan pour pese zot paran, ziska trwazyenm e menm katriyenm zenerasyon bann ki deteste mwan.

Deterononm 7:4

Sa i ava detourn ou bann zanfan kont mwan pour al servi lezot bondye. Alor, lakoler SENYER ava anflanmen kont zot; i ava detri zot imedyatman.

Zozye 23:12

Akoz si zot vir zot ledo kont li, si zot atas zot avek sa bann nasyon ki reste avek zot, si zot al fer lalyans maryaz avek zot, e si zot melanz avek zot,

Zozye 23:16

Si zot pa respekte lalyans ki SENYER, zot Bondye ti fer pour zot, si zot al servi lezot bondye e al prostern devan zot, SENYER pou ankoler kont zot, e zot pou tre vit disparet dan sa bon pei ki i'n donn zot.”