Deterononm 6:13 - Labib An Kreol Seselwa

¹³ Ou ava annan respe pour SENYER, ou Bondye e ou ava servi li; ou ava pret serman zis lo son non.

Deterononm 6:13 ပူးပေါင်းရင်းမြစ်များ

Zenez 24:3

Fer serman lo non mon SENYER, Bondye lesyel ek later, ki ou pa pou fer mon garson marye avek enn bann fiy Kananeen kot mon pe reste.

2 Rwa 17:36

Zot devre ador SENYER ki'n fer zot sorti dan pei Lezip avek son gran pwisans ek lafors son lebra leve. Devan SENYER ki zot devre prosternen. An loner SENYER ki zot devre ofer sakrifis.

Psonm 15:4

me i rezet bann malfeter, e i onor sa enn ki annan respe pour SENYER. I gard son promes, i annan en sel parol.

Psonm 63:11

Lerwa pou dan lazwa, akoz Bondye in donn li laviktwar. Tou dimoun ki pret serman lo non Bondye pou loue li. Labous bann manter pou reste fermen.

Egzod 20:7

Ou pa pou pronons non SENYER ou Bondye an bonnavini. Annefe SENYER pa pou pardonn sa enn ki pronons son non an bonnavini.

Egzod 23:25

Zot ava ador SENYER zot Bondye e i ava beni zot dipen ek zot delo. Mon pou elwanny tou maladi parmi zot.

Ezai 45:23

Mon fer serman lo mwan menm: Sa laverite ki sorti dan mon labous i zis, mon annan en sel parol. Tou bann imen pou prostern devan mwan e tou nasyon pou pret serman.

Ezai 48:1

Desandan Zakob, zot ki port non Izrael, e zot ki sorti dan leren Zida! Ekoute. Zot ki pret serman lo non SENYER e envok Bondye Izrael, me zot pa ni senser, ni lwayal.

Ezai 65:16

Alor, tou dimoun dan pei, ki oule en benediksyon, pou ganny li lo non Bondye fidel. Tou dimoun ki dan sa pei, ki fer en ve, pou fer li lo non Bondye fidel; akoz bann detres lepase i'n ganny oubliye. Mon dir ou, zot pou ganny efase devan mwan.

Zeremi 12:16

Si zot senserman aksepte pour viv parey mon pep, si zot pret serman lo non SENYER ki vivan parey zot ti ansenny mon pep fer an loner Baal, alor zot osi, zot ava fer parti mon pep.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Zeremi 5:2

Kan zot deklare: Mon fer serman, lo non SENYER ki vivan, zot pe fer en fo serman.

Zeremi 5:7

Akfer mon bezwen pardonn pese mon pep? Zot in abandonn mwan, zot in al ador bann fo bondye. Mon'n nouri mon pep ziska zot rasazye. Me zot in komet adilter; zot al pas zot letan kot bann prostitye.

Levitik 19:12

Ou pa devre fer fo serman an servan mon non; ou ava pe dezonor non ou Bondye. Mwan menm SENYER.

Matye 4:10

Zezi ti reponn li, “Sorti la, Satan! Ale. I'n ekri: Se Senyer, ou Bondye ki ou devre adore e li tousel ki ou devre servi!”

Matye 5:33

Zot in osi tande ki i'n ganny dir avek nou bann zanset: Pa kas ou serman, me akonpli bann ve ki ou'n promet par serman devan Senyer.

Levanzil dapre Lik 4:8

Zezi ti reponn li, “I'n ekri: Ou devre ador Senyer ou Bondye, e servi zis li tousel.”

Deterononm 10:12

Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.

Deterononm 10:20

Zot ava annan respe pour SENYER, zot Bondye; zot ava ador zis li. Reste atase avek li, e zot ava fer serman lo son non.

Deterononm 13:4

Ou ava swiv SENYER, ou Bondye; ou ava annan respe zis pour li. Ou ava gard son bann komannman, obei son lavwa, e reste atase avek li.

Deterononm 13:5

Sa bann profet oubyen vizyoner ava ganny touye akoz par zot bann parol, zot in pres revolt kont SENYER, ou Bondye ki ti tir ou dan pei Lezip e sov ou dan lesklavaz. Zot ti oule detourn ou lo semen ki SENYER, ou Bondye ti'n ordonn ou pour swiv. Ou devre fer disparet sa mal parmi zot.

Deterononm 5:11

Ou pa pou pronons non SENYER, ou Bondye anven, akoz SENYER pa pou pardonn personn ki servi son non anven.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Zozye 2:12

Aprezan ki mon'n tret zot avek lwayote, fer serman avek mwan devan SENYER, ki zot pou tret mon fanmir avek bonte. Donn mwan en siny pour ki mon ava kapab fer zot konfyans.

Zozye 23:7

Pa bezwen al melanz zot avek sa bann nasyon ki ankor reste obor zot. Zot pa pou servi non zot bann bondye e zot pa pou fer serman lo zot non; zot pa pou servi sa bann bondye, e zot pa pou prosternen devan zot.

Zozye 24:14

Aprezan, annan respe pour SENYER, e servi li senserman e avek fidelite. Detri bann bondye ki zot zanset ti servi ler zot ti lot kote larivyer Efrat e Lezip; servi SENYER.

1 Samyel 20:3

David ti fer ankor sa serman, “Ou papa i konn tre byen lanmour ki ou annan pour mwan. I ti mazinen: Zonatan pa devre konn sa akoz i ava soufer. Me par SENYER ki vivan e par ou prop lavi, i annan zis en pa ant mwan ek lanmor.”

1 Samyel 7:3

Samyel ti dir pep Izrael antye, “Si zot retourn ver SENYER avek tou zot leker, fer disparet parmi zot tou sa bann bondye etranze, ek bann stati Astarte; si zot donn SENYER zot leker e servi zis li, alor, i ava delivre zot dan lanmen bann Filisten.”