Deterononm 5:14 - Labib An Kreol Seselwa

¹⁴ Me setyenm zour i saba SENYER, ou Bondye. Zot pa pou travay: Ni ou, ni ou garson, ni ou fiy, ni ou serviter, ni ou servant, ni ou bef, ni ou bourik, ni okenn ou bann zannimo, ni en etranze ki reste parmi zot. Konmsa, ou serviter ek ou servant ava repoze parey ou.

Deterononm 5:14 ပူးပေါင်းရင်းမြစ်များ

Zenez 2:2

Setyenm zour, Bondye ti'n fini tou travay ki i ti'n fer. Apre tou travay ki i ti'n fer, i ti repoze.

Nehemi 13:15

Dan sa lepok, mon ti war bann zonm dan Zida pe kraz rezen zour saba, anmenn bann pake legren ki zot ti sarz lo zot bann bourik, ensi ki diven, rezen, fig e toudsort fardo ki zot ti anmenn Zerizalenm zour saba. Mon ti donn zot bann avertisman zour zot ti pe vann zot danre.

Nehemi 13:16

Ti osi annan bann Tiryen ki ti pe reste dan lavil, ki ti anmenn pwason ek toudsort marsandiz ki zot ti vann zour saba avek bann zabitan Zida dan Zerizalenm.

Nehemi 13:21

Mon ti averti zot: Akoz zot pas lannwit devan miray? Si zot rekonmanse, mon pou servi lafors zot. Depi sa, zot pa ti vin ankor pandan saba.

Nehemi 5:5

Pourtan, nou tou nou imen e nou menm ras; nou zanfan i parey zot zanfan. Sepandan, nou pe fors nou bann garson ek nou bann fiy pour vin lesklav, e plizyer nou bann fiy i deza dan lesklavaz; nou napa okenn resours akoz nou bann plantasyon i dan lanmen lezot dimoun.

Egzod 23:12

Pandan sis zour ou ava fer ou travay. Me setyenm zour, ou devre repoze pour ki ou bef ek ou bourik i kapab repoze e ki zanfan ou bann lesklav ek bann etranze parmi zot ava kapab repoze.

Levitik 23:3

Zot ava travay pandan sis zour. Me setyenm zour i saba, en zour repo konplet, en rasanbleman sakre. Zot pa pou travay sa zour; i en saba an loner SENYER partou kot zot ava pe reste.

Mark 2:27

Zezi ti azoute, “Saba ti ganny fer pour zonm, pa zonm pour saba.

Levanzil dapre Lik 23:56

Alor, zot ti retourn se zot e zot ti prepar bann aromat ek parfen. Zour saba, zot ti repoze, parey lalwa i ordonnen.

Deterononm 5:13

Pandan sis zour ou ava travay e fer tou ou louvraz.

Ebre 4:4

Annefe, konsernan setyenm zour, Lekritir i deklare: Setyenm zour, Bondye ti repoze apre tou son travay.