Deterononm 4:37 - Labib An Kreol Seselwa

³⁷ SENYER ti kontan ou bann zanset. Pour sa rezon, ki i'n swazir zot bann desandan e par son prezans ek son pwisans, i ti fer zot sorti Lezip.

Deterononm 4:37 ပူးပေါင်းရင်းမြစ်များ

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Psonm 32:8

Mon pou ansenny ou. Mon pou montre ou ki semen ou pou swiv. Mon pou konsey ou; mon lizye pa pou kit ou.

Psonm 34:15

Lizye SENYER i fikse lo bann zis. Son zorey i ouver pour ekout zot ler zot kriye.

Psonm 44:3

Pa avek zot lepe ki zot ti ganny sa pei; pa avek zot lafors, ki zot ti ganny laviktwar. Me par ou lanmen, par ou lafors, par lalimyer ou prezans, akoz ou ti kontan zot.

Egzod 12:41

Apre sa 430 an, zour pour zour, pep SENYER antye ti kit Lezip.

Egzod 12:51

Sa menm zour, SENYER ti delivre pep Izrael Lezip, organize an group koman en larme.

Egzod 13:14

Alavenir, kan ou garson ava demann ou: Ki savedir sa? Ou ava reponn li: Par son pwisans, SENYER ti delivre nou dan lesklavaz Lezip.

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 13:9

I ava vin en siny lo ou lanmen e en mark lo ou fron, pour ki lalwa SENYER i dan ou labous. Annefe, par son pwisans, SENYER ti fer ou sorti Lezip.

Egzod 33:14

SENYER ti dir, “Mwan menm ki pou kondwir ou e mon pou donn ou mon repo.”

Ezai 43:4

Ou annan gran valer pour mwan. Ou presye pour mwan e mon kontan ou. Pour sa rezon, mon donn bann pep dan ou plas e bann nasyon an retour pour ou lavi.

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Zeremi 31:1

La sa ki SENYER i deklare: Sa zour pe vini, kan mon pou Bondye tou bann tribi Izrael, e zot ava vin mon pep.

Zeremi 31:3

Depi dan lwen, SENYER ti aparet avek mwan. Mon kontan ou depi touzour e pour touzour. Pour sa rezon, mon'n reste fidel anver ou.

Malasi 1:2

SENYER ti dir avek son pep Izrael, “Mon'n kontan ou.” Me Izrael ti reponn, “Ki mannyer ou'n montre ki ou kontan nou?” SENYER ti reponn zot, “Ezai ek Zakob, pa zot de frer? Pourtan mon'n kontan Zakob,

Nonm 20:16

Nou ti kriye e SENYER in antann nou. I ti anvoy son mesaze pou vin delivre nou Lezip. La aprezan, nou'n ariv Kades, en lavil ki baliz avek ou teritwar.

Romen 9:5

Zot desandan bann patriars, e Kris, koman en imen, i fer parti zot pep; i par lao tou. Bondye ava ganny loue pour touzour. Amenn.

Deterononm 10:15

Lontan, SENYER ti atase zis avek ou bann zanset. Me ozordi, se zot ki i'n swazir koman son bann desandan, parmi tou lezot pep.

Deterononm 23:5

Me SENYER, ou Bondye pa ti ekout Balaanm; SENYER, ou Bondye ti sanz sa malediksyon an en benediksyon pour ou, akoz SENYER, ou Bondye ti kontan ou.

Deterononm 33:12

La sa ki Moiz ti dir konsernan tribi Benzamen: I sa enn ki SENYER in prefere. Avek li i repoz an sekirite. SENYER i protez li tou le zour, i repoz dan son lebra.

Deterononm 33:3

Annefe, i ti kontan bann pep. Tou son pep sen ki i proteze, ti prostern devan ou e aksepte ou bann lenstriksyon.

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye

Deterononm 7:6

Ou en pep sen, konsakre pour SENYER, ou Bondye. SENYER, ou Bondye in swazir ou parmi tou bann pep lo later pour fer ou vin son pep.

Deterononm 9:5

Ou pa pe al pran posesyon sa pei akoz ou zis, oubyen akoz ou leker i drwat, me akoz mesanste sa bann nasyon ki SENYER, ou Bondye pe al pran avek zot tou sa ki zot annan. Konmsa, promes ki SENYER ti fer avek ou bann zanset Abrahanm, Izaak ek Zakob, ava ganny akonpli.