Deterononm 4:33 - Labib An Kreol Seselwa

³³ Eski en pep in deza antann lavwa Bondye dan milye dife, parey ou ti tande e reste vivan?

Deterononm 4:33 ပူးပေါင်းရင်းမြစ်များ

Egzod 20:22

SENYER ti dir Moiz, “La sa ki ou pou dir pep Izrael: Zot in war zot menm ki depi lesyel, mon'n koz avek zot.

Egzod 24:11

Bondye pa ti fer ditor okenn parmi bann dirizan pep Izrael. Zot ti kontanple Bondye; apre, zot ti manze e bwar.

Egzod 33:20

Me ou pa kapab war mon vizaz akoz personn pa kapab war mwan e kontinyen viv.”

Deterononm 4:36

Depi lesyel, in fer ou antann son lavwa, pour li koriz ou. In fer ou war son gran dife lo later; ou'n antann son lavwa sorti dan milye dife.

Deterononm 5:22

Sa i bann parol ki SENYER ti prononse avek en lavwa pwisan, devan tou sa bann ki ti'n rasanble lo montanny, dan milye dife, lafimen, e dan gro fernwanr. I pa ti azout nanryen. I ti ekri sa bann parol lo de plak ros ki i ti donn mwan.

Deterononm 5:24

Zot ti dir mwan: Gete! SENYER, nou Bondye in montre nou son laglwar ek son grander e nou'n antann son lavwa sorti dan dife. Ozordi, nou'n war ki Bondye i kapab koz avek en imen i sa dimoun i kapab reste vivan.

Deterononm 5:26

Annefe, lekel sa zonm parey nou, ki'n antann lavwa Bondye vivan koze depi dan milye dife e ki'n reste vivan?

Deterononm 5:4

SENYER ti koz avek zot fas a fas lo montanny, dan milye dife.

Deterononm 9:10

Alor, SENYER ti donn mwan sa de plak ros ekri par ledwa Bondye. Lo la, ti annan tou bann parol ki SENYER ti'n koz avek zot lo montanny, dan dife, zour rasanbleman.

Ziz 6:22

Alor, Zedeon ti konpran ki sa ti mesaze SENYER. I ti dir, “Senyer BONDYE! Mon'n war mesaze SENYER fas a fas.”