Deterononm 4:29 - Labib An Kreol Seselwa

²⁹ Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.

Deterononm 4:29 ပူးပေါင်းရင်းမြစ်များ

2 Rwa 10:31

Me Zehou pa ti pran ka pour mars dapre lalwa SENYER, Bondye Izrael avek tou son leker. I ti kontinyen komet bann menm pese ki Zeroboanm ti fer Izrael komet.

2 Rwa 23:3

Lerwa ti pe debout pre avek kolonn tanp e i ti fer en lalyans devan SENYER. I ti angaz li pour swiv SENYER e obei son bann komannman, bann desizyon, bann regleman avek tou son leker e son et antye, pour met an pratik tou sa ki'n ekri dan sa liv lalyans. Lepep antye ti aksepte sa lalyans.

2 Kronik 15:12

Dan en lalyans ki zot ti fer, zot ti promet SENYER, Bondye zot zanset, ki zot pou rod li avek tou zot leker ek zot et antye.

2 Kronik 15:15

Pep Zida antye ti aklanm sa lalyans, akoz zot ti'n fer li avek tou zot leker; zot ti retourn ver SENYER avek tou zot volonte e SENYER in les zot trouv li. SENYER ti donn zot repo, lo tou kote.

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

2 Kronik 15:4

Me, dan zot maler, zot in tourn ver li e i'n les zot trouv li.

2 Kronik 31:21

Tou sa ki i ti fer pour servis tanp Bondye, dapre lalwa ek komannman, i ti fer avek tou son leker pour Bondye e i ti prospere.

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Nehemi 9:27

Alor, ou ti livre zot dan lanmen zot bann lennmi ki ti fer zot soufer. Me dan zot maler, zot ti kriy ver ou; depi lesyel, ou ti antann zot; dan ou gran bonte, ou ti donn zot bann sover ki ti delivre zot dan lanmen zot bann lennmi.

Psonm 119:10

Mon rod ou avek tou mon leker; pa les mwan egare lwen avek ou komannman.

Psonm 119:145

Mon apel ou avek tou mon leker. SENYER reponn mwan. Mon pou obzerv ou regleman.

Psonm 119:2

Byennere sa bann ki gard son bann lord, ki rod li avek tou zot leker.

Psonm 119:58

Avek tou mon leker mon demann ou: Pran pitye pour mwan parey ou'n promet.

Zeremi 3:10

Apre tousala, Zida, sa ser Izrael, sa tret, ti fer sanblan ki i ti pe retourn ver mwan. I pa ti senser,” SENYER i deklare.

Zeremi 51:50

Ou'n sap lanmor! Ale aprezan! Pa trennen! Menm si ou lwen ek lakour, pa oubliy mwan ki ou SENYER, e rapel ou Zerizalenm.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Zoel 2:12

La sa ki SENYER i deklare: Retourn kot mwan avek tou zot leker: Zennen, plere, lamante.

Amos 5:4

La sa ki SENYER i deklare avek pep Izrael: Swiv mwan, ou ava viv.

Deterononm 10:12

Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.

Deterononm 11:13

Si zot vreman obei tou bann komannman ki mon pe ordonn zot ozordi, si zot kontan SENYER, zot Bondye e servi li avek tou zot leker e zot et antye.

Deterononm 26:16

Ozordi, SENYER, ou Bondye pe ordonn ou pour met an pratik tou sa bann regleman ek lalwa. Alor, obzerv zot byen avek tou ou leker e ou et antye.

Deterononm 30:10

si ou obei SENYER, ou Bondye e obzerv son bann komannman ek lalwa ki'n ganny ekri dan sa liv; si ou retourn ver SENYER, ou Bondye avek tou ou leker e tou ou et.

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.

Zozye 22:5

Selman, fer sir zot obzerv tou bann komannman ek lalwa ki Moiz, serviter SENYER, zot Bondye in ordonn zot. Kontan SENYER, zot Bondye e fer tou sa ki i demann zot. Obei tou son bann komannman; atas avek li e servi li fidelman avek tou zot leker e avek lafors zot et antye.”

1 Samyel 7:3

Samyel ti dir pep Izrael antye, “Si zot retourn ver SENYER avek tou zot leker, fer disparet parmi zot tou sa bann bondye etranze, ek bann stati Astarte; si zot donn SENYER zot leker e servi zis li, alor, i ava delivre zot dan lanmen bann Filisten.”