Deterononm 4:19 - Labib An Kreol Seselwa

¹⁹ Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.

Deterononm 4:19 ပူးပေါင်းရင်းမြစ်များ

Zenez 1:14

Alor, Bondye ti dir: I ava annan bann lalimyer dan lesyel pour separ lizour avek aswar; zot ava servi koman siny pour endik bann lafet, bann zour ek bann lannen.

Zenez 2:1

Alor, lesyel, later ek tou sa ki ti ladan ti'n fini ganny kree.

2 Rwa 17:16

Zot ti'n abandonn tou bann komannman SENYER, zot Bondye. Zot ti'n fabrik de pti toro an metal; zot ti fer bann poto sakre, dor bann zetwal dan lesyel; zot ti osi ador Baal.

2 Rwa 21:3

I ti rekonstri bann landrwa sakre ki Ezekyas son papa ti'n detri, e etabli bann lotel pour Baal; i ti osi fer en poto sakre, parey Akab, lerwa Izrael, ti fer; i ti ador tou bann zetwal dan lesyel e servi zot.

2 Rwa 23:11

I ti detri dan lantre tanp SENYER, bann seval ki bann lerwa Zida ti'n konsakre an loner soley, pre avek lasanm Netann-Melek, en o zofisye; i ti bril tou bann kales an loner soley.

2 Kronik 33:3

I ti rekonstri bann landrwa sakre ki son papa Ezekyas ti'n detri e retabli bann lotel pour ladorasyon bann Baal. I ti remet an plas bann poto Asera e ador bann zetwal dan lesyel.

Nehemi 9:6

Zis ou, SENYER, zis ou ki'n fer lesyel, lesyel ki par lao lesyel, e tou sa ki i annan, later avek tou sa ki i kontenir, lanmer e tou sa ki ladan. Ou donn zot tou lavi. Liniver antye i ador ou.

Psonm 19:3

I pa fer okenn diskour, ni dir okenn parol, ni okenn son pour zorey antann.

Zeremi 19:13

Tou bann lakaz dan Zerizalenm, menm pale lerwa Zida ek tou bann lakaz kot zot in bril lansan an loner bann zetwal dan lesyel, kot zot in prezant lofrann diven avek sa bann bondye etranze, pou ganny deklare enpir parey Tofet.

Zeremi 31:35

La sa ki SENYER i deklare: Lekel ki donn soley pour klere pandan lizour? Lekel ki komann lalin ek bann zetwal pour klere lannwit? Lekel ki fer lanmer azite e laroul ronfle? Sa i SENYER liniver.

Zeremi 33:25

Me la sa ki SENYER i deklare: Si mon pa ti'n fer en lalyans avek lizour ek lannwit e si mon pa ti'n etabli bann lalwa ki gouvern later ek lesyel,

Zeremi 8:2

Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.

Ezekyel 18:6

ki pa manz sa ki'n ganny ofer devan bann zidol lo montanny, ni ador bann zidol Izrael, i pa sali repitasyon fanm son prosen, ni annan relasyon seksyel avek en fanm pandan son reg.

Ezekyel 8:16

I ti anmenn mwan dan lakour enteryer kot lantre tanp SENYER ant vestibil ek lotel kot ti annan apepre 25 zonm. Zot ledo ti tourn avek tanp e zot figir ver Les, zot ti prosternen devan soley.

Sofoni 1:5

Mon pou fer disparet bann ki mont lo twa zot lakaz pour ador bann zetwal; bann ki prostern devan mwan, me ki anmenmtan pe pret serman lo non Molek.

Matye 5:45

Alor, zot ava vin bann vre garson zot Papa ki dan lesyel. Annefe, i fer son soley leve lo bann ki move e lo bann ki bon; i fer tonbe lapli lo bann ki zis e lo bann ki pa zis.

Akt de Zapot 7:42

Me Bondye ti tourn ledo kont zot, e les zot ador bann zetwal dan lesyel, parey in ekri dan liv bann profet: Pep Izrael! Eski pour mwan ki zot ti ofer bann sakrifis lape ek sakrifis konplet, pandan 40 an dan dezer?

Romen 1:25

Zot sanz laverite Bondye kont mansonz. Zot ador e servi kreatir olye ador Kreater ki merit ganny loue pour touzour! Amenn!

Deterononm 13:10

Saboul li ziska ki i mor, akoz in esey antrenn ou lwen avek SENYER, ou Bondye ki ti tir ou dan pei Lezip e dan lesklavaz.

Deterononm 13:5

Sa bann profet oubyen vizyoner ava ganny touye akoz par zot bann parol, zot in pres revolt kont SENYER, ou Bondye ki ti tir ou dan pei Lezip e sov ou dan lesklavaz. Zot ti oule detourn ou lo semen ki SENYER, ou Bondye ti'n ordonn ou pour swiv. Ou devre fer disparet sa mal parmi zot.

Deterononm 17:3

e al servi e ador lezot bondye, tel ki soley, lalin, bann zetwal, oubyen okenn lobze dan lesyel, e ki mon'n defann zot fer,

Deterononm 4:18

laform nenport ki zannimo ki ranpe, ni en pwason ki dan delo anba later.