Deterononm 32:40 - Labib An Kreol Seselwa

⁴⁰ Mon lev mon lanmen ver lesyel e mon deklare: Osi vre ki mon vivan pour touzour,

Deterononm 32:40 ပူးပေါင်းရင်းမြစ်များ

Zenez 14:22

Me Abranm ti reponn li, “Mon lev mon lanmen devan SENYER, Bondye Treo ki'n kree lesyel ek later:

Zenez 21:33

Abrahanm ti plant en pye dibwa la Berseba, pour mark sa landrwa akoz la, i ti envok non SENYER, Bondye eternel.

2 Samyel 22:47

SENYER i vivan! Mon loue mon Ros protekter. Mon egzalte Bondye mon Sover.

Psonm 144:11

Sov mwan; delivre mwan dan lanmen bann etranze. Zot labous i koz zis mansonz. Zot servi zot lanmen drwat pour fer fo serman.

Psonm 144:8

Zot labous i koz zis mansonz e zot servi zot lanmen drwat pour fer fo serman.

Egzod 6:8

Mon pou fer zot antre dan sa pei ki mon ti fer serman pour donn Abrahanm, Izaak ek Zakob: Mwan SENYER, mon pou donn zot sa later pour zot posesyon.”

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Zeremi 44:26

Alor, zot tou ki sorti Zida e ki pe reste Lezip, ekout byen sa ki SENYER i dir zot: Mon fer serman par mon gran non, SENYER i deklare: Zanmen ankor mon pour permet personn parmi zot ki reste Zida, e partou dan pei Lezip, servi mon non pour dir: Mon fer serman par Senyer BONDYE ki vivan.

Ezekyel 20:5

Dir zot: La sa ki Senyer BONDYE i deklare: Zour mon ti swazir pep Izrael, mon ti fer en serman avek bann desandan Zakob. Mon ti fer zot konn mwan Lezip; mon ti fer en serman; lanmen leve, mon ti dir: Mwan menm SENYER zot Bondye.

Ezekyel 20:6

Sa zour, mon ti fer en promes solannel, ki mon pou tir zot dan sa pei Lezip e anmenn zot dan sa pei pli merveye ki mon'n swazir pour zot, kot i annan dile ek dimyel annabondans.

Ezekyel 21:4

Sa rezon akoz mon pe servi mon lepe kont tou dimoun, pour mwan detri zot tou, bon ou move, depi Sid ziska Nor.

Ezekyel 21:5

Tou dimoun pou konnen ki mwan SENYER, mon'n tir mon lepe e mon pa pou retourn li dan son fouro.

Danyel 12:7

Sa zonm abiye dan lenz linenn, ki ti par lao larivyer, ti lev son de lanmen ver lesyel. Mon ti antann li fer en serman par sa Enn ki vivan pour touzour. I ti dir, “Pour en lannen, de lannen e lanmwatye lannen. Kan lafors sa pep sen ava'n konpletman fini, tou sa bann keksoz pou ganny akonpli.”

Nonm 14:21

Me osi vre ki mon vivan, e ki later antye i ranpli avek laglwar SENYER,

Revelasyon 4:10

sa 24 ansyen ti prosternen devan sa enn ki asiz lo tronn e ador sa enn ki vivan eternelman. Zot ti zet zot kouronn devan tronn e sante:

Revelasyon 4:9

Sak fwa ki sa bann kreatir vivan ti rann glwar, loner ek remersiman anver sa enn ki asiz lo tronn, e ki vivan eternelman,