Deterononm 32:30 - Labib An Kreol Seselwa

³⁰ Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Deterononm 32:30 ပူးပေါင်းရင်းမြစ်များ

1 Rwa 14:16

SENYER pou abandonn Izrael akoz pese Zeroboanm e pese ki i'n fer Izrael komet.

2 Rwa 7:5

Alor, zot ti leve granmaten pour al dan kan Siriyen. Me ler zot ti ariv pre avek kan Siriyen, ti napa personn.

1 Kronik 12:14

Sa bann Gadit ti bann zofisye larme; enn ki pli pti dan en ran, ti vo plis ki 100, enn ki pli gran ti vo 1,000.

2 Kronik 24:24

Larme Siriyen pa ti gran, me SENYER ti'n livre en gran larme dan zot lanmen, akoz lepep ti'n abandonn SENYER, Bondye zot zanset. Konmsa, ki lerwa Zoas ti ganny pini.

Liv Zob 11:10

Si Bondye i azir, si i met ou dan prizon, si i konvok ou, lekel ki pou anpes li?

Liv Zob 16:11

Bondye in abandonn mwan dan lanmen bann zenn bandi. In livre mwan dan lanmen bann malfeter.

Psonm 31:8

Ou pa'n livre mwan dan lanmen mon lennmi. Ou'n rann mwan lib.

Psonm 44:12

Ou'n vann ou pep pour nanryen, san fer okenn profi.

Ezai 30:17

Anba menas en sel zonm, 1,000 pou sove. Anba senk zonm, zot tou zot pou sove ziska ler zot ava parey en ma lo montanny, parey en bannyer lo latet montanny.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Ezai 52:3

La sa ki SENYER i deklare: Ou ti ganny vann pour nanryen, e ou pou ganny aste san larzan.

Levitik 26:7

Zot ava pourswiv zot bann lennmi ki ava tonm anba zot lepe.

Levitik 26:8

Senk parmi zot ava pourswiv 100 lennmi, e 100 parmi zot ava pourswiv 10,000 lennmi. Zot lennmi ava tonbe devan zot, anba zot lepe.

Matye 18:25

Koman sa zonm ti napa ase pour pey son det, lerwa ti ordonn vann li, son fanm, son bann zanfan ek tou sa ki i ti posede, pour li pey son det.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Zozye 23:10

En sel parmi zot ti fer taye mil, akoz se SENYER, zot Bondye ki ti pe konbat pour zot, parey i ti'n dir zot.

Ziz 2:14

SENYER ti ankoler kont Izrael. I ti livre zot dan lanmen bann voler ki ti depouy zot. I ti vann zot avek zot bann lennmi ki ti reste otour zot. Zot ti nepli kapab tenir devan zot bann lennmi.

Ziz 3:8

SENYER ti ankoler kont zot. I ti vann zot avek Kousann-Riseataim, lerwa Mezopotami. Bann Izraelit ti servi zot anba dominasyon Kousann-Riseataim pandan wit an.

1 Samyel 2:2

Zis SENYER ki sen. Napa personn parey li. Okenn Ros protekter pa parey nou Bondye.