Deterononm 32:21 - Labib An Kreol Seselwa

²¹ Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.

Deterononm 32:21 ပူးပေါင်းရင်းမြစ်များ

1 Rwa 14:22

Zabitan Zida ti fer sa ki mal devan SENYER; zot ti provok son zalouzi plis ki okenn son bann zanset, par bann pese ki zot ti'n fer.

1 Rwa 14:9

Ou, ou'n azir pli mal ki tou sa bann ki ti avan ou. Ou'n provok mon lakoler an fabrikan bann bondye etranze ek zidol an metal; ou'n rezet mwan.

1 Rwa 16:13

akoz tou bann pese Baasa, ek pese son garson Ela, ki zot ti'n komet e ki zot ti'n fer Izrael komet, e provok lakoler SENYER, Bondye Izrael par zot bann Zidol.

1 Rwa 16:26

I ti fer parey Zeroboanm, garson Nebat, dan bann pese ki i ti fer Izrael komet e provok lakoler SENYER, Bondye Izrael, par zot bann zidol.

2 Rwa 17:11

Zot ti bril lansan dan sa bann landrwa sakre, parey bann nasyon ki SENYER ti'n sase devan zot. Zot ti'n fer sa ki mal e provok lakoler SENYER.

2 Rwa 17:15

Zot ti'n rezet son bann regleman, lalyans ki i ti'n fer avek zot bann zanset, ek bann avertisman ki i ti'n donn zot. Zot ti'n swiv bann lobze ki pa vo nanryen e zot menm zot in perdi zot valer. Zot ti swiv koutim bann nasyon otour zot, e ki SENYER Bondye ti'n defann zot imite.

2 Rwa 21:6

I ti ofer son garson an sakrifis; i ti menm pratik mazik e konsilte bann ki predir lavenir ek bann sorsye. I ti fer en kantite keksoz mal ki depler SENYER, e provok son lakoler.

2 Rwa 22:17

Akoz zot in abandonn mwan e ofer lansan devan lezot bondye, en tel pwen ki zot in ofans mwan par tou sa ki zot in fer, mon lakoler kont sa landrwa in monte, e i pa pou kalme.

Psonm 31:6

Mon deteste bann ki ador zidol initil; me mon met mon konfyans dan SENYER.

Psonm 78:58

Zot ti provok li avek zot bann landrwa sakre e rann li zalou avek zot bann zidol.

Ezai 65:3

en pep ki pa arete ofans mwan anfas; ki ofer sakrifis dan bann zarden e bril lansan lo bann brik;

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 2:11

Zanmen en nasyon in sanz son bondye, menm si i pa bondye. Me mon pep in sanz son loner pour swazir bann bondye ki pa kapab ed li.

Zeremi 5:7

Akfer mon bezwen pardonn pese mon pep? Zot in abandonn mwan, zot in al ador bann fo bondye. Mon'n nouri mon pep ziska zot rasazye. Me zot in komet adilter; zot al pas zot letan kot bann prostitye.

Zeremi 7:18

Zanfan i al ranmas dibwa, zonm i alim dife e fanm i prepar lapat pour fer gato pour zot ofer Astarte, sa bondye ki zot apel larenn lesyel. Pour eksit mon lakoler, zot osi fer lofrann diven sa bann bondye etranze.

Zeremi 8:19

Ekoute! Partou dan pei, mon pep pe kriy osekour: Eski SENYER in abandonn Zerizalenm? Eski son lerwa in rezet li? SENYER zot lerwa i reponn: Zot in fabrik bann fo bondye e zot in ador bann bondye etranze. Sanmenm sa ki fer mwan ankoler. Akoz zot ti fer sa?

Ezekyel 8:3

En keksoz dan laform en lanmen ti sezi mwan par mon seve. Lespri ti soulev mwan ant later ek lesyel e transport mwan dan en vizyon dan Zerizalenm, devan lantre lo kote Nor dan tanp, kot zot ti'n plas sa stati zalouzi, ki provok zalouzi.

Oze 1:10

Pep Izrael pou vin koman disab lo bor lanmer, personn pa pou kapab konte. La kot zot ti dir: Ou pa mon pep! Zot pou ganny dir: Zot zanfan Bondye vivan.

Zonas 2:8

Bann ki ador bann fo bondye napa sans ganny sove.

Akt de Zapot 11:15

Letan mon ti'n konmans koze, Lespri Sen ti desann lo zot tou, parey i ti desann lo nou o konmansman.

Akt de Zapot 14:15

“Bann zanmi! Akoz zot fer sa? Nou, nou zis bann zonm parey zot. Nou pe anmenn zot Bonn Nouvel pour ki zisteman, zot abandonn sa bann zidol initil e vin kot Bondye ki vivan, ki'n fer lesyel, later, lanmer ek tou sa ki egziste.

Romen 10:19

Mon demann ankor en fwa: Eski pep Izrael pa'n konpran? La sa ki Moiz i reponn an premye: Mon pou fer ou zalou en pep ki pa en vre nasyon. Mon pou eksit ou lakoler kont en nasyon fou.

Romen 9:25

La sa ki profet Oze i deklare: Bann ki pa ti mon pep, mon pou apel zot: Mon pep. Nasyon ki mon pa ti kontan, mon pou apel zot: Mon Byenneme.

1 Korentyen 10:22

Eski nou oule fer Senyer zalou? Eski nou krwar ki nou pli for ki li?

Deterononm 32:16

Zot ti rann li zalou avek bann bondye etranze. Zot ti provok li avek bann lobze degoutan.

Deterononm 32:17

Zot ti ofer sakrifis avek bann demon, pa anver Bondye, anver bann bondye ki zot pa'n zanmen konnen, anver bann bondye ki zot ti'n fek dekouver, ki zot bann zanset pa ti adore.

1 Samyel 12:21

Pa tourn kont li pour swiv bann fo bondye ki pa servi dan nanryen, ni kapab delivre zot, akoz zot pa vo nanryen.