Deterononm 32:16 - Labib An Kreol Seselwa

¹⁶ Zot ti rann li zalou avek bann bondye etranze. Zot ti provok li avek bann lobze degoutan.

Deterononm 32:16 ပူးပေါင်းရင်းမြစ်များ

1 Rwa 14:22

Zabitan Zida ti fer sa ki mal devan SENYER; zot ti provok son zalouzi plis ki okenn son bann zanset, par bann pese ki zot ti'n fer.

1 Rwa 14:9

Ou, ou'n azir pli mal ki tou sa bann ki ti avan ou. Ou'n provok mon lakoler an fabrikan bann bondye etranze ek zidol an metal; ou'n rezet mwan.

2 Rwa 17:11

Zot ti bril lansan dan sa bann landrwa sakre, parey bann nasyon ki SENYER ti'n sase devan zot. Zot ti'n fer sa ki mal e provok lakoler SENYER.

2 Rwa 17:17

Zot ti'n ofer zot garson ek zot fiy an sakrifis; zot ti'n pratik divinasyon, konsilte bann sorsye e vann zot lekor pour fer sa ki depler SENYER e provok son lakoler.

2 Rwa 21:6

I ti ofer son garson an sakrifis; i ti menm pratik mazik e konsilte bann ki predir lavenir ek bann sorsye. I ti fer en kantite keksoz mal ki depler SENYER, e provok son lakoler.

2 Rwa 23:13

Lerwa ti rann enpir bann landrwa sakre ki ti dan Les Zerizalenm, dan Sid montanny Destriksyon ki Salomon, lerwa Izrael, ti konstri pour Astarte. Sa ti en pratik degoutan bann Sidonit pour Kemos, Moab e pour Milkonm. Sa ti en pratik degoutan bann Amonit.

Psonm 106:29

Sa ti provok lakoler SENYER e en gran fleo ti tonm lo zot.

Psonm 78:58

Zot ti provok li avek zot bann landrwa sakre e rann li zalou avek zot bann zidol.

Ezai 43:12

La sa ki SENYER i deklare: Mwan ki'n anonse sa ki pou arive e sov zot. Mwan ki'n fer zot konn mon mesaz, non pa okenn bondye etranze ki zot ti annan parmi zot. Alor, zot mon temwen.

Zeremi 2:11

Zanmen en nasyon in sanz son bondye, menm si i pa bondye. Me mon pep in sanz son loner pour swazir bann bondye ki pa kapab ed li.

Zeremi 2:25

Izrael! Fer atansyon ou pou fini san sandal e lagorz sek. Me ou dir: I'n tro tar pour mwan sanze; mon kontan bann bondye etranze mon pa kapab aret swiv zot.

Zeremi 7:18

Zanfan i al ranmas dibwa, zonm i alim dife e fanm i prepar lapat pour fer gato pour zot ofer Astarte, sa bondye ki zot apel larenn lesyel. Pour eksit mon lakoler, zot osi fer lofrann diven sa bann bondye etranze.

Zeremi 8:19

Ekoute! Partou dan pei, mon pep pe kriy osekour: Eski SENYER in abandonn Zerizalenm? Eski son lerwa in rezet li? SENYER zot lerwa i reponn: Zot in fabrik bann fo bondye e zot in ador bann bondye etranze. Sanmenm sa ki fer mwan ankoler. Akoz zot ti fer sa?

Ezekyel 8:3

En keksoz dan laform en lanmen ti sezi mwan par mon seve. Lespri ti soulev mwan ant later ek lesyel e transport mwan dan en vizyon dan Zerizalenm, devan lantre lo kote Nor dan tanp, kot zot ti'n plas sa stati zalouzi, ki provok zalouzi.

Levitik 18:27

Bann zabitan ki ti pe reste dan sa pei avan zot in komet sa bann aksyon degoutan e zot in rann sa pei enpir.

1 Korentyen 10:22

Eski nou oule fer Senyer zalou? Eski nou krwar ki nou pli for ki li?

Deterononm 32:21

Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.

Deterononm 5:9

Ou pa pou prostern devan zot ni ador zot. Mwan SENYER, ou Bondye, mon en Bondye zalou. Mon pini bann zanfan pour pese zot paran, ziska trwazyenm e menm katriyenm zenerasyon bann ki deteste mwan.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.