Deterononm 32:15 - Labib An Kreol Seselwa

¹⁵ Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 32:15 ပူးပေါင်းရင်းမြစ်များ

2 Samyel 22:47

SENYER i vivan! Mon loue mon Ros protekter. Mon egzalte Bondye mon Sover.

1 Kronik 5:25

Me zot pa ti fidel anver Bondye zot papa e zot ti tonm dan prostitisyon avek bondye bann nasyon sa pei ki Bondye ti'n detri devan zot.

2 Kronik 12:1

Kan Roboanm ti'n solidman etabli son pouvwar e i ti'n vin for, i ti abandonn lalwa SENYER, e Izrael antye ti osi abandonn SENYER.

2 Kronik 26:16

Me ler i ti'n vin pwisan, lorgey ti ranpli son leker e fer li tonbe. I pa ti fidel anver SENYER son Bondye. I ti fer en sakrilez: I ti antre dan tanp SENYER pour bril lansan lo lotel lansan.

Nehemi 9:25

Zot ti pran bann lavil fortifye ek en later fertil; zot ti pran bann lakaz ranpli avek toudsort byen, bann sitern ki'n fini ganny fouye, bann plantasyon rezen, zoliv ek en kantite pye fri. Zot ti manze ziska rasazye, angrese. Gras ou gran bonte, zot in viv dan lopilans.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Liv Zob 15:27

Son figir in gonfle avek lagres; son laans in vin gra.

Psonm 100:3

Rekonnet ki SENYER i li menm Bondye ki'n kree nou e ki nou pour li. I nou berze e nou, nou son pep e mouton son troupo.

Psonm 119:70

Zot leker i ensansib, kouver avek lagres; me mon pran plezir dan ou lalwa.

Psonm 17:10

Zot leker i san okenn pitye. Zot labous i koz avek larogans.

Psonm 18:46

SENYER i vivan! Mon rann glwar mon Ros protekter. Mon egzalte Bondye mon Sover.

Psonm 73:7

Zot lizye i boufi avek lagres; zot leker i deborde avek mesanste.

Psonm 81:11

Me mon pep pa ti ekout mon lavwa. Izrael ti refize obeir mwan.

Psonm 89:26

I pou dir mwan: Ou menm mon Papa, mon Bondye e sa Ros ki sov mwan!

Psonm 89:27

Mon pou fer li vin mon premye garson, pli gran parmi bann lerwa lo later.

Psonm 95:1

Vini! Annou sant nou lazwa pour SENYER. Annou kriy nou lazwa pour nou Ros protekter, nou Sover!

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Ezai 44:2

La sa ki SENYER ki'n fer ou, ki'n form ou dan vant ou manman e ki pou ed ou, i deklare: Zakob mon serviter! Pa per. Yesouroun! Ou, ki mon'n swazir!

Ezai 6:10

Angourdi leker sa pep. Rann zot sourd! Rann zot aveg, pour ki zot pa war avek zot lizye, pa antann avek zot zorey e konpran avek zot leker! Zot pa ava retourn kot mwan e ganny geri!

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 2:32

Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Zeremi 2:5

La sa ki SENYER i deklare: Ki zot zanset i annan kont mwan ki'n fer zot kas relasyon avek mwan, pour zot al ador bann zidol initil e rann zot menm initil?

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Zeremi 5:7

Akfer mon bezwen pardonn pese mon pep? Zot in abandonn mwan, zot in al ador bann fo bondye. Mon'n nouri mon pep ziska zot rasazye. Me zot in komet adilter; zot al pas zot letan kot bann prostitye.

Ezekyel 14:5

Konmsa, mon pou tous leker pep Izrael ki'n abandonn mwan akoz zot zidol.

Oze 13:6

Mon ti nouri zot, e zot ti rasazye; zot leker ti fyer e zot ti oubliy mwan.

Oze 4:7

Pli zot in ogmante, pli zot pese kont mwan in ogmante. Mon pou fer zot laglwar vin laont.

Akt de Zapot 28:27

Leker sa pep in vin ensansib. Zot in bous zot zorey, e zot in ferm zot lizye, pour zot lizye pa war, pour zot zorey pa tande, e pour zot leker pa konpran, pour ki zot pa retourn kot mwan pour mwan geri zot.

Akt de Zapot 9:5

I ti demande, “Lekel ou Senyer?” Sa lavwa ti reponn: Mwan menm Zezi ki ou pe persekite.

Deterononm 31:16

SENYER ti dir Moiz: Byento ou pe al rezwenn ou bann zanset e sa pep pou tonm dan prostitisyon avek bann bondye etranze ki dan sa pei kot zot pe ale. Zot pou abandonn mwan e kas mon lalyans ki mon ti fer avek zot.

Deterononm 31:20

Annefe, mon pou anmenn zot dan en pei kot dile ek dimyel i koule. Sa i en serman ki mon ti fer avek zot bann zanset. Ler zot in byen manze, rasazye e vin gra, zot al kot lezot bondye e servi zot, mepriz mwan e kas mon lalyans.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Deterononm 32:6

Pep ensanse e fou! Konmsa ki ou remersye SENYER? Pa li ou papa ki'n kree ou, ki'n form ou e ki'n fer ou vin en pep?

Deterononm 33:26

Moiz ti dir ankor: Yesouroun! Personn pa parey Bondye. I travers bann nyaz pour li vin sekour ou.

Deterononm 33:5

Kan bann sef lepep ti rasanble avek bann tribi Izrael, SENYER ti zot lerwa dan Yesouroun.

Ziz 10:6

Bann Izraelit ti rekonmans fer sa ki depler SENYER: Zot ti al servi bann Baal ek bann Astarte, bondye bann Arameen, bann Sidonit, bann Moabit, bann Amonit e bann Filisten. Zot ti abandonn SENYER e aret servi li.

1 Samyel 2:29

Alor, akoz zot mank respe pour mon bann sakrifis ek lofrann ki mon'n komande pour ofer dan mon tanp? Akoz ou fer loner ou bann garson plis ki mwan e zot angres zot lo bann meyer morso tou sakrifis ki mon pep Izrael i ofer?