Deterononm 32:14 - Labib An Kreol Seselwa

¹⁴ lakrenm sorti dan son troupo e dile sorti kot son bann mouton, avek lagres bann zenn mouton, bann toro ek bann kabri sorti Basann, ansanm avek dible meyer kalite. Ou ti bwar meyer diven sorti dan disan bann grap rezen.

Deterononm 32:14 ပူးပေါင်းရင်းမြစ်များ

Zenez 18:8

Apre, i ti pran dile kaye ek dile fre, ek lavyann ki ti'n ganny prepare, e servi son bann viziter. Letan zot ti pe manze, Abrahanm ti reste debout lanmenm pre avek zot anba pye dibwa.

Zenez 49:11

I kapab anmar son bourik avek pye rezen e son piti bourik avek meyer brans rezen. I lav son lenz dan diven e son rob dan zi rezen.

2 Samyel 17:29

dimyel, fromaz, bef ek mouton, fromaz bef. Zot ti anmenn tousala pour David ek son bann zonm pour zot manze, akoz zot ti'n dir dan zot menm: Sa bann zans in bezwen soufer lafen, lafatig ek laswaf dan dezer.

Nehemi 9:25

Zot ti pran bann lavil fortifye ek en later fertil; zot ti pran bann lakaz ranpli avek toudsort byen, bann sitern ki'n fini ganny fouye, bann plantasyon rezen, zoliv ek en kantite pye fri. Zot ti manze ziska rasazye, angrese. Gras ou gran bonte, zot in viv dan lopilans.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Liv Zob 20:17

I pa pou war ankor bann larivyer dimyel, ni bann sours lakrenm dile.

Liv Zob 29:6

Dan sa letan, mon ti annan dile annabondans e delwil doliv ti koule sorti dan ros.

Psonm 147:14

I gard lape dan ou bann frontyer; i donn ou meyer rekolt.

Psonm 22:12

Mon bann lennmi, bann toro, in antour mwan; bann toro ki sorti Basann in anserkle mwan.

Psonm 81:16

Mon ti ava nouri ou avek meyer kalite dible e donn ou dimyel sovaz ziska ki ou ti ava rasazye.

Ezai 7:15

I pou nouri li avek dile kaye ek dimyel, ziska ki i ava konn rezet sa ki mal e swazir sa ki byen.

Ezai 7:22

Dile pou telman annabondans ki zot ava nouri zot zis avek dile kaye. Tou bann ki pou reste dan pei, zot pou viv lo dile kaye ek dimyel.

Ezekyel 39:18

Zot ava manz lavyann bann gran konbatan e bwar disan bann sef lo later ki pou ganny ofer dan plas bann mouton, bouk, toro, tou bann zannimo gra dan Basann.

Oze 11:4

Mon ti gid zot avek lafeksyon, ek lanmour; mon ti pran zot koman mon zanfan e plas zot kont mon lazou. Mon ti bese e fer zot manze.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Mise 7:14

SENYER! Avek ou baton berze, kondwir ou pep. I pe reste tousel dan lafore, parmi bann pye fri. Parey dan letan lontan, anmenn li dan bann laplenn Basann, dan Galaad.

Nonm 18:12

Mon donn ou prodwi ki zot ofer SENYER: Meyer delwil, meyer diven ek dible.

Deterononm 28:47

Akoz ou pa'n servi SENYER, ou Bondye avek lazwa e avek tou ou leker, alor ki ou ti annan tou annabondans,

Revelasyon 14:20

Rezen ti ganny kraze dan preswar anba lipye, an deor lavil. Disan ki ti koule sorti dan preswar ti mont ziska oter labous bann seval, lo en distans 300 kilomet.

Ziz 5:25

I ti demann delo; Yael ti donn li dile. I ti prezant li dile fermante dan en bol rwayal.