Deterononm 31:18 - Labib An Kreol Seselwa

¹⁸ Sa zour, mon pou sirman detourn mon ledo avek zot, akoz tou sa bann move keksoz ki zot in fer depi ki zot in abandonn mwan e al ador lezot bondye.

Deterononm 31:18 ပူးပေါင်းရင်းမြစ်များ

2 Rwa 22:13

Al konsilte SENYER pour mwan, pour lepep, e pour Zida antye, konsernan parol ki dan sa liv ki zot in dekouver. SENYER in pran en gran lakoler kont nou, akoz nou bann zanset in dezobei parol sa liv; zot pa'n azir dapre tou sa ki'n ekri ladan.

Egzod 34:15

Pa fer okenn lalyans avek bann zabitan sa pei, akoz si ou prostitye avek zot bann bondye e ofer zot bann sakrifis, zot ava kapab envit ou e manz sakrifis ki zot ofer zot bondye.

Ezai 48:8

Zanmen ou'n tande, zanmen ou'n konnen; depi lontan, ou zorey in reste bouse. Akoz mon ti konnen ki ou pa ti en tret e ki depi avan ou nesans, zot apel ou en rebel.

Ezai 5:25

Pour sa rezon, SENYER i ankoler kont son pep. In lev son lanmen e i'n pini li. Montanny ti tranble, kadav ti fannen dan lari parey salte. Malgre sa, son lakoler pa ti tonbe, i pa bes son lebra.

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Zeremi 33:5

Sa pou zis ranpli lavil avek en ta kadav sa bann dimoun ki mon pou detri dan mon gran lakoler. Bann zabitan Zerizalenm in komet en kantite move keksoz ki mon pa oule war.

Ezekyel 39:23

Bann nasyon etranze ava konnen ki pep Izrael ti ganny deporte akoz son pese, son lenfidelite anver mwan. Mon'n detourn mon vizaz avek zot e mon'n abandonn zot dan lanmen zot lennmi ki'n masakre zot.

Deterononm 31:19

Aprezan alor, ekri sa kantik ki bann Izraelit ava aprann parker. Met son bann parol dan zot labous pour ki i vin en temwen kont bann Izraelit.

Deterononm 32:20

I ti dir: Mon pou deles zot. Mon pou gete sa ki zot pou devenir, akoz zot en zenerasyon dezenere, en bann zanfan san fidelite.

Ziz 2:17

Me zot pa ti ni menm ekout zot bann ziz. Zot ti al prostitye avek lezot bondye e prostern devan zot. Tre vit, zot pa ti swiv semen ki zot bann zanset ti swiv, ki ti ekout bann komannman SENYER; me, zot pa ti fer parey.