Deterononm 30:9 - Labib An Kreol Seselwa

⁹ SENYER, ou Bondye ava fer ou prospere en kantite dan tou sa ki ou ava antreprann. Ou ava ganny en kantite zanfan; ou bann bef, mouton, kabri ava ogmante, ou later ava prodwir bon rekolt. Annefe, parey i ti kontan ou bann zanset, SENYER ava kontan ou e fer ou prospere,

Deterononm 30:9 ပူးပေါင်းရင်းမြစ်များ

Ezai 62:4

Ou pou nepli ganny apele Abandonnen; ou later pou nepli ganny apele Dezolasyon. Me ou pou ganny apele Mon Plezir; ou later pou apel Madanm Marye, akoz ou fer plezir SENYER e later ava vin en mari pour li.

Ezai 62:5

Parey en zennonm i marye avek en zenn fiy, sa enn ki'n kree ou pou marye avek ou. Parey en nouvel marye i fer lazwa son mari, ou pou fer lazwa ou Bondye.

Ezai 65:19

Mon pou fer Zerizalenm vin sours mon lazwa e mon pou pran plezir dan mon pep. Pou nepli antann tapaz plere, ni bann kri detres dan Zerizalenm.

Zeremi 31:27

Letan pe vini, SENYER i deklare, kan mon pou ranpli Izrael ek Zida avek zabitan ek zannimo, parey ler ou senm lagrenn dan en plantasyon.

Zeremi 31:28

Mon'n fer tou pour derasinen, koupe, demoli, detri e fer dimal sa pep. Me aprezan, mon pou fer tou pour li; konmsa, i pou ganny rekonstri e replante, SENYER i deklare.

Zeremi 32:41

Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Levitik 26:4

mon ava donn zot lapli an sezon. Later ava prodwir bann rekolt e bann pye dibwa ava raport fri.

Levitik 26:6

Mon pou met lape dan pei; personn pa pou vin trakas zot. Mon pou detri bann zannimo feros dan pei e lepe pa pou travers zot pei.

Sofoni 3:17

SENYER, ou Bondye i la avek ou, koman en gerye ki donn laviktwar. I dan gran lazwa akoz ou. Dan son lanmour, i pou donn ou en nouvo lavi; dan lazwa, i selebre akoz ou.

Levanzil dapre Lik 15:32

I tou zis ki nou fete e kontan, akoz ou frer ki ti'n mor i'n reganny lavi, i ti'n perdi e i'n ganny retrouve.”

Levanzil dapre Zan 15:11

Mon'n dir zot tousala pour ki mon lazwa i dan zot, e ki zot lazwa i vin konplet.

Deterononm 28:4

SENYER ava beni ou bann zanfan, ou bann rekolt, ou troupo; i pou ogmant ou troupo bef ek ou troupo mouton.

Deterononm 28:63

SENYER ti kontan fer ou prospere e vin nonbre. Li menm SENYER pou kontan anmenn ou dan larin ek destriksyon; ou pou ganny derasinen dan sa pei ki ou pe al pran posesyon.

Deterononm 30:8

tandis ki ou, ou ava retourn ver SENYER; ou ava obei tou son bann komannman ki mon pe ordonn ou ozordi.

Deterononm 7:14

Ou pou ganny beni plis ki tou bann pep; ou bann zonm ek ou bann fanm pa pou vin steril; ni ou bann bef, ni okenn zannimo.