Deterononm 30:6 - Labib An Kreol Seselwa

⁶ SENYER, ou Bondye pou osi sirkonsi ou leker ek leker ou bann desandan, pour ki ou kontan SENYER, ou Bondye avek tou ou leker, tou ou et, e ou ava kapab viv.

Deterononm 30:6 ပူးပေါင်းရင်းမြစ်များ

Egzod 20:6

Me mon pou montre mon fidelite ziska mil zenerasyon, anver bann ki kontan mwan e ki gard mon bann komannman.

Zeremi 24:7

Mon pou donn zot en leker, pour ki zot rekonnet ki mwan SENYER. Zot ava retourn kot mwan avek tou zot leker. Zot ava mon pep e mwan, mon pou zot Bondye.

Zeremi 32:39

Mon pou donn zot en sel leker e en sel mannyer viv ki ava fer zot annan respe pour mwan, pour touzour. Sa i ava pour zot prop boner e osi pour boner zot bann desandan.

Zeremi 4:4

Zot ki viv dan Zida e zot bann zabitan Zerizalenm, sirkonsi zot pour SENYER. Sirkonsi zot leker pour li. Sankwa, akoz pese ki zot in komet, mon lakoler pou tonm lo zot, e bril zot parey en dife ki pou devaste tou san ki i annan personn pour tennyen.

Zeremi 9:26

Lezip, Zida, Edonm, Amonn, Moab e sa bann ki reste dan dezer ki'n raz zot latet. Bann Izraelit i parey: Zot in ganny sirkonsi, me pa zot leker.

Levitik 18:5

Obzerv mon bann lalwa ek mon bann regleman: An metan sa bann regleman an pratik, en dimoun ava viv. Mwan menm SENYER.

Matye 22:37

Zezi ti reponn li, “Kontan Senyer ou Bondye avek tou ou leker, avek tou ou et antye, e avek tou ou lespri.

Romen 11:26

Konmsa ki pep Izrael antye pou ganny sove, parey Lekritir i deklare: Liberater pou sorti Siyon. I pou elimin revolt dan bann desandan Zakob.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

1 Korentyen 8:3

Me sa enn ki kontan Bondye, Bondye i konn li.

2 Korentyen 5:17

Osi, si en dimoun i ini avek Kris, i en kreasyon nouvo: Sa ki vye in disparet; sa ki nouvo ki la.

Deterononm 10:16

Alor, fer sirkonsi zot leker e aret retif.

Deterononm 11:1

Ou ava kontan SENYER, ou Bondye e ou ava touzour obei tou son bann lalwa, regleman ek komannman.

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.

Kolosyen 2:11

Dan Kris zot in ganny sirkonsi, pa par en sirkonsizyon fer par lanmen zonm, me en sirkonsizyon ki sorti kot Kris e ki delivre nou kont pouvwar nou lekor peser.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

1 Zan 4:7

Mon bann zanmi! Annou kontan kanmarad, akoz lanmour i sorti kot Bondye. Sa enn ki kontan, i zanfan Bondye e i konn Bondye.