Deterononm 30:10 - Labib An Kreol Seselwa

¹⁰ si ou obei SENYER, ou Bondye e obzerv son bann komannman ek lalwa ki'n ganny ekri dan sa liv; si ou retourn ver SENYER, ou Bondye avek tou ou leker e tou ou et.

Deterononm 30:10 ပူးပေါင်းရင်းမြစ်များ

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Ezekyel 18:21

Si en move dimoun i abandonn tou pese ki i'n komet; si i swiv mon bann regleman, respekte lalwa e fer sa ki byen, i pa pou mor; i pou sirman viv.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Ezekyel 33:14

Si mon dir en malfeter ki sirman i pou mor e sa dimoun i kit son move lavi, konmans abandonn son pese e viv dapre lalwa pour fer sa ki byen,

Ezekyel 33:19

Si par kont, en malfeter i abandonn son move lavi e obei lalwa ek lazistis, akoz sa, i pou sirman viv.

Zakari 6:15

Dimoun ki reste lwen, pou vin ede dan konstriksyon tanp SENYER. Konmsa, ou ava konnen ki SENYER liniver ki'n anvoy mwan kot zot. Tousala pou arive si ou vreman obei SENYER ou Bondye.

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Akt de Zapot 3:19

Donk, sanz zot mannyer viv e retourn ver Bondye pour ki i pardonn zot, zot pese.

1 Korentyen 7:19

Annefe, sirkonsi, pa sirkonsi, napa okenn lenportans. Sa ki konte se lobeisans komannman Bondye.

Deterononm 29:21

SENYER ava separ zot avek tou lezot tribi Izrael, dapre bann malediksyon lalyans ki'n ganny ekri dan sa liv lalwa, e pour zot maler.

Deterononm 30:11

Sertennman, sa bann komannman ki mon pe ordonn ou ozordi i pa tro difisil pour ou obei, ni tro difisil pour ou met an pratik.

Deterononm 30:2

si ou retourn ver SENYER, ou Bondye, ou, avek ou bann zanfan, e obei li avek ou leker, avek ou et antye, egzakteman parey mon pe ordonn ou ozordi,

Deterononm 30:8

tandis ki ou, ou ava retourn ver SENYER; ou ava obei tou son bann komannman ki mon pe ordonn ou ozordi.

Deterononm 4:29

Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.