Deterononm 3:18 - Labib An Kreol Seselwa

¹⁸ Dan sa letan, mon ti donn zot sa lord: SENYER, zot Bondye in donn zot sa pei pour zot pran posesyon. Tou bann gerye ava pran zot zarm, e travers devan zot bann frer Izraelit.

Deterononm 3:18 ပူးပေါင်းရင်းမြစ်များ

Zenez 15:7

I ti dir li, “Mwan menm SENYER ki'n fer ou sorti Our, dan pei bann Kaldeen pour donn ou sa pei koman ou posesyon.”

Psonm 136:21

I ti donn zot pei koman en patrimwann; son fidelite i dire pour touzour.

Nonm 33:53

Zot ava pran posesyon sa later e enstal zot; mon pe donn zot sa pei koman zot posesyon.

Deterononm 12:1

La bann lalwa ek bann regleman ki zot devre obzerve dan pei ki SENYER, Bondye zot zanset pou donn zot, pour pran posesyon pour tou zot lavi.

Deterononm 15:4

I pa devre annan okenn pov parmi zot. Annefe, SENYER pou sirman beni ou dan sa pei ki SENYER, ou Bondye pou donn ou koman patrimwann, pour ou pran posesyon.

Deterononm 19:14

Ou pa pou deplas bann taso balizaz ou vwazen ki'n ganny poze par ou bann zanset, dan patrimwann ki ou pou gannyen dan pei ki SENYER, ou Bondye pou donn ou pour posesyon.

Deterononm 19:2

ou ava met apar trwa lavil dan pei ki SENYER, ou Bondye pou donn nou an posesyon.

Deterononm 19:7

Pour sa rezon ki mon donn ou sa lord: Ou ava met apar trwa lavil.

Deterononm 21:1

Si dan sa pei ki SENYER, ou Bondye pou donn ou pour pran posesyon, en kadav i ganny dekouver dan lakanpanny, e personn pa konnen lekel ki'n touy sa dimoun,

Deterononm 25:19

Alor, Kan SENYER, ou Bondye ava'n asir ou sekirite kont tou ou bann lennmi dan pei ki SENYER, ou Bondye pou donn ou pour patrimwann, ou ava detri tou bann Amalesit anba lesyel, e ki personn pa rapel zot ankor.

Deterononm 5:31

Me ou, reste debout akote mwan. Mon ava dir ou tou bann komannman, regleman e desizyon ki ou ava ansenny zot, pour ki zot ganny met an pratik dan sa pei ki mon pe al donn zot.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.

Deterononm 9:6

Konpran byen alor, ki SENYER, ou Bondye pa pe al donn ou sa bon pei pour ou pran posesyon akoz ou zis. Annefe, ou en pep rebel.

Zozye 1:11

Pas partou dan kan e donn lepep sa lord: Prepar zot, akoz dan trwa zour zot pe travers larivyer Zourden, pour pran posesyon sa pei ki SENYER, zot Bondye pe donn zot.