Deterononm 28:8 - Labib An Kreol Seselwa

⁸ Benediksyon SENYER, ou Bondye ava avek ou bann provizyon ki ou'n anmase, e avek tou sa ki ou ava antreprann. I ava beni ou dan sa pei ki SENYER, ou Bondye pe donn ou.

Deterononm 28:8 ပူးပေါင်းရင်းမြစ်များ

2 Rwa 6:27

Lerwa ti reponn, “Si SENYER pa pe ed ou, ki mannyer mwan mon pou ed ou? Avek dible oubyen avek diven?”

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Psonm 128:2

Ou pou profit rezilta travay ou lanmen; Ou pou ere e ou pou prospere.

Psonm 133:3

I parey laroze lo montanny Hermon, ki desann lo bann kolin Siyon, la kot SENYER i donn son benediksyon, lavi pour touzour.

Psonm 144:13

Nou bann grennyen i plen avek tou kalite prodwi; nou bann troupo mouton i ogmant en kantite, par dizenn milye dan nou bann laplenn.

Psonm 42:8

Lizour, SENYER i montre mwan son fidelite. Aswar, mon sant pour li, mon priy Bondye ki donn mwan lavi.

Psonm 44:4

Mon Bondye! Ou ki mon lerwa. Donn laviktwar Zakob.

Levitik 25:21

Pandan sizyenm lannen, mon pou donn zot mon benediksyon ki ava prodwir rekolt neseser pour 3 an.

Levitik 26:10

Zot ava manz zot vye rekolt dible e defalke bann ansyen rekolt pour fer plas pour sa ki nouvo.

Agze 2:19

eski legren ki'n ganny rekolte in ariv dan langar rezerv? Annefe, bann plantasyon rezen, fig, grenad ek zoliv pa pe raport nanryen. Me mwan, apartir ozordi, mon pou kouver zot avek mon benediksyon.

Matye 13:30

Les zot pous ansanm ziska rekolt. Letan rekolt, mon ava dir avek bann ki fer rekolt: Konmans par aras bann move zerb, fer bann pake e bril zot. Apre, rekolte dible e met dan mon langar rezerv.”

Matye 6:26

Get bann zwazo: Zot pa ni senmen, ni rekolte, e ni met nanryen an rezerv. Pourtan, zot Papa ki dan lesyel i nouri zot. Eski zot pa vo bokou plis ki bann zwazo?

Levanzil dapre Lik 12:18

I ti dir: Mon konnen ki mon pou fer. Mon pou kas mon bann langar rezerv e fer lezot ki pli gran kot mon ava anmas tou mon lagrenn ek lezot prodwi.

Deterononm 14:29

Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

Deterononm 15:10

Pret li avek granker san okenn regre, akoz pour sa, SENYER, ou Bondye ava beni ou dan tou ou travay e dan tou sa ki ou ava antreprann.

Deterononm 15:4

I pa devre annan okenn pov parmi zot. Annefe, SENYER pou sirman beni ou dan sa pei ki SENYER, ou Bondye pou donn ou koman patrimwann, pour ou pran posesyon.

Deterononm 28:20

SENYER pou anvoy kont ou malediksyon, lafreyer ek fristrasyon dan tou sa ki ou ava esey antreprann, ziska ki ou ava ganny detri e disparet konpletman, akoz ou bann move aksyon, akoz ou'n abandonn mwan.

Deterononm 28:7

SENYER ava donn ou laviktwar ler ou bann lennmi ava atak ou. Zot ava atak ou par en semen, me zot ava sove dan tou direksyon.