Deterononm 28:46 - Labib An Kreol Seselwa

⁴⁶ Sa bann komannman ava touzour en siny ek en laprev kont ou, e kont ou bann desandan.

Deterononm 28:46 ပူးပေါင်းရင်းမြစ်များ

Ezai 8:18

Mwan, avek bann zanfan ki SENYER in donn mwan, nou koman siny lavertisman pour Izrael, sorti kot SENYER liniver, ki reste lo Montanny Siyon.

Zeremi 19:8

Mon pou met sa lavil dan en tel leta degoutan, ki tou dimoun ki pase pou ganny en sok e zot ava kriye ek sezisman devan en tel destriksyon.

Zeremi 25:18

Mon ti konmans par Zerizalenm ek bann lavil dan Zida, avek zot lerwa ek zot zofisye. Tou sa bann lavil ti ganny transformen koman en landrwa devaste, en landrwa malediksyon; i parey ankor ozordi.

Ezekyel 14:8

Mon pou debout kont li; sa ki mon pou fer avek li pou reste en siny e en proverb. Mon pou elimin li parmi mon pep. Alor, zot ava konnen ki mwan menm SENYER.

Ezekyel 36:20

Me, parmi bann nasyon partou kot zot in ale, zot in fer mon non sen ganny bafwe. Dimoun in menm dir: Sa pep SENYER; me zot ti forse kit son pei.

Ezekyel 5:15

Kan mon pou egzekit mon zizman avek tou mon gran lakoler, mon pinisyon pou terib. Bann nasyon dan zalantour pou monk zot e ensilte zot. Zerizalenm pou vin en lavertisman e en lafreyer pour bann nasyon. Mwan SENYER ki deklare.

Nonm 26:10

Later ti ouver e anval zot avek Kore, kan dife ti bril 250 parmi zot; zot ti vin en lavertisman pour lepep.

1 Korentyen 10:11

Sa bann maler ti ariv zot, pour servi legzanp pour lezot. Zot in ganny ekri koman en lavertisman pour nou ki pe viv dan letan lafen.

Deterononm 28:37

Tou bann pep kot SENYER pou anmenn ou, ava etonnen avek sa ki ariv avek ou; zot pou riy ou e gognard ou.

Deterononm 28:59

alor, SENYER ava anvoy lo ou ek ou desandan bann gran fleo, bann maladi grav ki napa gerizon.

Deterononm 29:20

SENYER pa pou pardonn zot, akoz lakoler ek zalouzi SENYER pou monte kont zot. Tou bann malediksyon ki'n ganny ekri dan sa liv ava tonm lo zot e SENYER ava efas zot non anba lesyel.

Deterononm 29:28

Dan son gran lakoler e avek endinyasyon, SENYER ti derasin zot lo zot later e zet zot dan en lot pei, parey sa ki pe arive ozordi.