Deterononm 28:4 - Labib An Kreol Seselwa

⁴ SENYER ava beni ou bann zanfan, ou bann rekolt, ou troupo; i pou ogmant ou troupo bef ek ou troupo mouton.

Deterononm 28:4 ပူးပေါင်းရင်းမြစ်များ

Zenez 22:17

mon pou beni ou. Mon pou ogmant ou desandans e fer zot vin parey zetwal dan lesyel e parey bann gren disab lo bor lanmer. Ou desandans pou pran posesyon bann lavil zot bann lennmi.

Zenez 39:5

Kan Zozef ti ansarz tou keksoz dan lakaz Potifar, SENYER ti beni lakour sa Ezipsyen akoz Zozef. Benediksyon SENYER ti lo tou sa ki i ti posede, dan son lakaz koman dan son plantasyon.

Zenez 49:25

Par Bondye ou papa ki sekour ou, par Bondye Toupwisan, ou ava resevwar benediksyon, lapli ki sorti lao dan lesyel ek delo ki monte sorti dan profonder later. Benediksyon pour ganny bokou troupo ek bokou zanfan.

Psonm 107:38

SENYER i beni zot e zot popilasyon i ogmante; i pa les zot troupo diminyen.

Psonm 127:3

Zanfan i en trezor ki SENYER i donnen; en rekonpans pour en manman.

Psonm 128:3

Dan ou lakaz, ou fanm i parey en pye rezen ki raport bokou rezen. Ou bann zanfan i parey bann brans zoliv otour ou latab.

Proverb 10:22

Benediksyon SENYER i donn larises; i pa anmenn okenn sagren.

Proverb 13:22

En bon dimoun i les en leritaz pour son bann pti zanfan; me sa enn ki zis pou erit lafortin en peser.

Proverb 20:7

Sa enn ki zis i viv onnetman; zanfan ki vin apre li pou byennere.

Levitik 26:9

Mon pou pran swen avek zot. Mon pou donn zot bokou zanfan e fer zot popilasyon ogmante; mon pou gard mon lalyans avek zot.

Deterononm 28:11

SENYER ava fer ou prospere. I ava donn ou bokou zanfan, ogmant ou bann troupo, ek prodwi ou later, dan sa pei ki SENYER in fer serman avek ou bann zanset pour donn ou.

Deterononm 28:18

Zanfan sorti dan ou vant pou ganny modi, prodwi ou later osi, porte ou bef, ou mouton ek ou kabri; tou pou ganny modi.

Deterononm 28:3

SENYER ava beni ou dan lavil; i ava beni ou dan lakanpanny.

Deterononm 28:5

SENYER ava beni ou pannyen ek ou petren.

Deterononm 7:13

I pou kontan ou, beni ou, fer ou vin nonbre. I pou beni ou bann zanfan e fri ou later: Ou dible, ou diven ek ou delwil. I pou beni ou bann zannimo: Zenis e bann zenn mouton, lo later ki i'n fer serman avek ou bann zanset pour li donn ou.

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.