Deterononm 28:32 - Labib An Kreol Seselwa

³² Devan ou lizye, ou bann garson, ou bann fiy ava ganny donnen avek en lot pep. Tou le zour, ou ava rod zot avek ou lizye gran ouver; me ou pa pou kapab fer nanryen.

Deterononm 28:32 ပူးပေါင်းရင်းမြစ်များ

2 Kronik 29:9

Akoz tousala, nou bann zanset in ganny masakre; nou bann garson, fiy ek fanm ti al koman prizonnyen annegzil.

Liv Zob 11:20

Me lizye bann malfeter pou fatige. Zot pa pou war okenn semen sove. Lanmor pou zot dernyen lespwar.

Liv Zob 17:5

Entel in envit zanmi pour partaz dipen, alor ki son bann zanfan pe espere.

Liv Zob 31:8

alor, en lot ava manz sa ki mon'n senmen, e mon bann plant ava ganny arase.

Psonm 119:123

Mon lizye i fatige afors esper ou delivrans e war ou promes realize.

Psonm 119:82

Mon lizye i fatige afors esper sa ki ou'n promet. Mon demande: Kan ou pou konsol mwan?

Psonm 69:3

Mon fatige afors kriye; mon lagorz i sek. Mon lizye i fatige afors esper mon Bondye.

Ezai 38:14

Mon kriye parey en zirondel; mon plennyen parey en tourtrel. Mon lizye i fatige afors get anler ver lesyel. SENYER! Sekour mwan dan mon lapenn.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Lamantasyon 2:11

Mon lizye i fatige plere. Mon leker i boulverse, mon dan dezespwar. Lennmi in detri mon pep. Bann zanfan e bann pti baba pe mor lo bann semen dan lavil.

Lamantasyon 4:17

Nou lizye in fatige esper led ki pa'n zanmen arive; nou'n veye san pozman, pour ki en nasyon vin sov nou.

Lamantasyon 5:17

La rezon akoz nou leker i malad. La rezon akoz nou pa war byen kler:

Ezekyel 24:25

Ekoute, ou ki en imen: Sa zour, mon pou pran sa ki fer zot lafors, zot lazwa, zot lafyerte, zot plezir e satisfer dezir zot leker. Mon pou osi pran zot bann garson ek zot fiy.

Zoel 3:6

Zot in vann bann zabitan Zida ek Zerizalenm avek bann Grek, pour anmenn zot lwen avek zot pei.

Amos 5:27

mon pou anvoy zot annegzil lo lot kote Damas. Mwan, SENYER, Bondye liniver ki deklare: Sa i mon non.

Mise 2:1

Maler pour sa bann ki mazin zis fer dimal e ki manigans mesanste lo zot lili! De ki lizour i fer, zot egzekit zot plan, akoz zot annan pouvwar fer li.

Mise 4:10

Zabitan Zerizalenm! Pliy an de e plennyen, parey en fanm dan lakousman. La aprezan, ou ava kit lavil pour al kanpe dan laplenn, ou pou al Babilonn. Apre, ou ava ganny delivre. Laba, SENYER ava sov ou dan lanmen ou bann lennmi.

Nonm 21:29

Maler lo ou, Moab! Pei Kemos in ganny detri. I ti les son bann zonm ganny egzile; son bann fiy in ganny kaptire par Sihonn, lerwa bann Amorit.

Deterononm 28:18

Zanfan sorti dan ou vant pou ganny modi, prodwi ou later osi, porte ou bef, ou mouton ek ou kabri; tou pou ganny modi.

Deterononm 28:31

Ou bef pou ganny egorze devan ou lizye, me ou pa pou gout son lavyann. Ou bourik pou ganny vole devan ou e personn pa pou rann ou. Ou bann mouton ava ganny donnen avek ou bann lennmi san ki personn ava vin ed ou.

Deterononm 28:41

Ou pou ganny bann garson ek bann fiy, me zot pa pou reste avek ou, akoz zot pou ganny anmennen annegzil.

Deterononm 28:65

Ou pa pou ganny latrankilite parmi sa bann nasyon; ou pa pou ganny okenn landrwa pour poz ou lipye. La, SENYER ava rann ou enkyet, tris e ou ava tonm dan dezespwar.