Deterononm 28:22 - Labib An Kreol Seselwa

²² SENYER ava fer ou soufer deperisman, lafyev, lanflanmasyon, gro lasaler ek lasesres, gro divan so e maladi pou tonm lo ou bann plantasyon. Tousala ava pourswiv ou ziska ki ou ava disparet.

Deterononm 28:22 ပူးပေါင်းရင်းမြစ်များ

1 Rwa 17:7

Me, apre en serten letan, sa larivyer ti sek akoz lapli pa ti'n tonbe dan pei.

1 Rwa 8:37

Kan pou annan lafanmin dan pei; kan pou annan lepidemi; kan bann plantasyon pou ganny atake par maladi, oubyen sotrel ek zensek; kan lennmi ava anserkle ou pep devan laport son lavil; kan i ava annan lepidemi, e toudsort maladi;

2 Kronik 6:28

Kan pou annan lezot maler: Lafanmin oubyen lepidemi oubyen lepidemi tel ki sotrel, senir ek lezot maler ankor; kan lennmi ava atak ou pep dan son pei, devan laport bann lavil; kan zot ava ganny atake par toudsort maler ek maladi;

Zeremi 14:12

Menm si zot fer en zenn, mon pa pou ekout zot lapriyer; menm si zot ofer mwan bann sakrifis konplet ek lofrann vezetal, mon pa pou aksepte. O kontrer, mon pou detri zot par lager, lafanmin ek lepidemi.”

Zeremi 16:4

Zot pou mor avek en bann maladi grav. Personn pa pou pler zot lanmor, ni anter zot. Zot kadav pou ganny met an ta parey fimyen. Zot pou ganny masakre, oubyen zot pou mor lafen. Zwazo ek zannimo sovaz pou manz zot kadav.”

Levitik 26:16

la sa ki mon pou fer zot: Mon pou anvoy maler, maladi enkirab ek lafreyer lo zot. Zot pou vin aveg e zot pou deperi. Zot ava senm legren anven, akoz zot lennmi ki pou rekolte.

Amos 4:9

Mon'n anvoy maladi lo zot bann plantasyon. Zot bann zarden, bann plantasyon rezen, ek zot plantasyon zoliv, in ganny devore par senir. Malgre sa, zot pa'n retourn ver mwan. SENYER ki'n deklare.

Agze 1:11

Mon'n fer vin lasesres dan pei: Lo bann kolin, dan bann plantasyon dible ek plantasyon rezen, dan plantasyon zoliv. Nanryen pa pou ganny prodwir, ni dimoun, ni zannimo, ni later.

Agze 2:17

La sa ki SENYER i deklare: Mon ti pini zot e detri tou sa ki zot ti'n prodwi; tou in fletri e pouri e ganny detri par lipou ek lagrel. Me zot pa'n retourn kot mwan, SENYER ki deklare.

Agze 2:19

eski legren ki'n ganny rekolte in ariv dan langar rezerv? Annefe, bann plantasyon rezen, fig, grenad ek zoliv pa pe raport nanryen. Me mwan, apartir ozordi, mon pou kouver zot avek mon benediksyon.

Zakari 14:12

La maler ki SENYER pou anvoy lo tou bann pep ki'n lager kont Zerizalenm: Zot lapo pou pouri pandan ki zot ankor debout; zot lizye pou pouri dan son orbit e zot lalang pou pouri dan zot labous.

Deterononm 28:23

Lesyel lo ou latet ava parey en twa an bronz e later anba ou lipye ava vin dir parey feray.

Deterononm 32:24

Lafen pou afebli zot, lafyev ek bann lepidemi pou devor zot. Mon pou anvoy kont zot bann bebet feros e venen bann bebet ki ranpe dan lapousyer.

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.