Deterononm 28:16 - Labib An Kreol Seselwa

¹⁶ Malediksyon pou lo ou dan lavil; malediksyon pou lo ou dan lakanpanny.

Deterononm 28:16 ပူးပေါင်းရင်းမြစ်များ

Zenez 5:29

I ti apel li Noe. I ti dir: I pou en konsolasyon pour nou dan nou travay ek fatig lo sa later modi.

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

1 Rwa 17:12

I ti reponn, “Par SENYER, ou Bondye ki vivan, mon napa nanryen ki'n kwi; mon annan zis en ponnyen lafarin dan en bol e en pe delwil dan en po. La mon pe ranmas detrwa morso dibwa pour prepar keksoz pour manze, mwan ek mon garson; apre sa, nou ava mor.”

1 Rwa 17:5

Eli ti ale e fer parey SENYER ti'n ordonnen: I ti al enstal li pre avek larivyer Kerit vizavi larivyer Zourden.

Liv Zob 24:18

Ou, ou dir: Bann malfeter i ganny anporte dapre kouran; zot par lo later in ganny modi; personn pa al travay dan plantasyon rezen.

Proverb 3:33

Malediksyon SENYER i tonm lo lafanmir en malfeter, me SENYER i beni lafanmir sa enn ki zis.

Ezai 43:28

Alor, mon'n dezonor bann sef ki ti dan sanktyer. Mon'n livre Zakob pour li ganny detri konpletman e Izrael pou fini dan laont.

Zeremi 14:18

Kan mon al dan lakanpanny, mon war zis kadav dimoun ki'n ganny masakre. Kan mon retourn dan lavil, mon war dimoun ki pe mor lafen. Profet avek pret i vwayaz atraver pei; me zot pa konpran nanryen.

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Lamantasyon 5:10

Lafen pe touy nou; nou lapo pe brile parey en four.

Zoel 1:4

Lesen sotrel, enn apre lot, in apoz lo zot plantasyon. Tou sa ki en lesen pa'n fini manze, en lot in devore. Tou sa ki en lesen in kit deryer, en lot lesen in detri.

Zoel 2:3

Par devan, konmsi en dife ki devor tou. Par deryer, laflanm i detri tou. Oparavan, later ti parey zarden Edenn, me in vin sek, parey en dezer. Napa nanryen ki sap li.

Zakari 5:4

La sa ki SENYER liniver i deklare: Mon'n lans sa malediksyon; i pou antre dan lakaz sa voler e dan lakaz sa enn ki'n fer fo serman lo mon non. I pou reste dan sa lakaz e detri tou; menm son bann poto ek son bann ros.

Malasi 2:2

Si zot pa ekout mwan, e zot pa pran ka pour glorifye mon non dan sa ki zot fer, alor mon pou devers malediksyon lo zot, SENYER ki deklare. Mon pou sanz mon benediksyon an malediksyon. Annefe, mon'n fini modi zot, akoz zot pa pe pran mon lord aker.

Malasi 4:6

I pou tourn leker bann papa ver zot bann zanfan, e leker bann zanfan ver zot papa, pour ki mon pa vin detri konpletman zot pei.

Deterononm 28:55

I pa pour partaz avek zot, laser son bann garson ki i pe manze, akoz dan sa leta detres kot son lennmi in met li dan tou bann lavil, pa reste li nanryen pour manze.