Deterononm 28:12 - Labib An Kreol Seselwa

¹² SENYER ava ouver son trezor dan lesyel pour ou. Dan son sezon, i ava donn ou later lapli e i ava beni tou sa ki ou ava antreprann. Ou ava pret larzan bokou nasyon, me ou pa pou zanmen demann prete.

Deterononm 28:12 ပူးပေါင်းရင်းမြစ်များ

1 Rwa 18:1

Apre en bon pe letan, dan trwazyenm lannen lasesres, SENYER ti koz avek Eli. I ti dir li, “Al prezant ou devan Akab; mon pou anvoy lapli lo later.”

Liv Zob 38:22

Eski ou'n deza antre kot lannez i ganny met an rezerv? Oubyen, eski ou'n deza war rezervwar lagrel?

Psonm 135:7

I fer nyaz leve lwen lo lorizon; i anvoy zekler ek lapli; i fer divan sorti dan son rezerv.

Proverb 22:7

Sa enn ki ris i domin lo bann ki pov; sa enn ki demann prete i vin lesklav sa enn ki prete.

Ezekyel 34:26

Mon pou fer zot viv dan rezyon mon montanny sakre; mon pou fer lapli tonbe dan son sezon; sa i ava lapli benediksyon.

Levitik 26:4

mon ava donn zot lapli an sezon. Later ava prodwir bann rekolt e bann pye dibwa ava raport fri.

Deterononm 11:14

Alor, mon pou fer lapli tonbe lo zot pei dan sak sezon, lapli lotonn ek lapli prentan, e zot ava rekolte zot dible, zot diven nouvo ek zot delwil.

Deterononm 14:29

Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

Deterononm 15:10

Pret li avek granker san okenn regre, akoz pour sa, SENYER, ou Bondye ava beni ou dan tou ou travay e dan tou sa ki ou ava antreprann.

Deterononm 15:6

Kan SENYER, ou Bondye ava'n beni ou, parey in promet, ou ava pret larzan bokou nasyon; me ou, ou pa pou demann prete. Ou pou domin lo bokou nasyon, me okenn nasyon pa pou domin ou.

Deterononm 23:20

Ou ava kapab sarz en lentere lo keksoz ki ou pret en etranze. Me ou pa pou sarz en lentere lo sa ki ou pret en Izraelit. Konmsa, SENYER, ou Bondye ava beni ou dan tou sa ki ou ava antreprann dan pei kot ou pe al antre pour pran posesyon.

Deterononm 28:24

Olye lapli lo ou later, SENYER pou fer tonm lapousyer. Zis lapousyer ki pou tonm lo ou depi lesyel, ziska ki ou ava ganny detri.

Deterononm 28:44

Zot ava pret ou larzan, me ou pa pou annan nanryen pour pret zot. Zot ava latet, ou ava vin lake.