Deterononm 28:11 - Labib An Kreol Seselwa

¹¹ SENYER ava fer ou prospere. I ava donn ou bokou zanfan, ogmant ou bann troupo, ek prodwi ou later, dan sa pei ki SENYER in fer serman avek ou bann zanset pour donn ou.

Deterononm 28:11 ပူးပေါင်းရင်းမြစ်များ

Liv Zob 19:17

Mon lalenn i donn mon fanm repinyans. Mon prop zanfan zot annan degou pour mwan.

Psonm 107:38

SENYER i beni zot e zot popilasyon i ogmante; i pa les zot troupo diminyen.

Psonm 127:3

Zanfan i en trezor ki SENYER i donnen; en rekonpans pour en manman.

Psonm 132:11

SENYER in fer sa serman avek David; en serman ki i pa pou sanze: Mon pou met enn ou bann zanfan lo ou tronn.

Proverb 10:22

Benediksyon SENYER i donn larises; i pa anmenn okenn sagren.

Levitik 26:9

Mon pou pran swen avek zot. Mon pou donn zot bokou zanfan e fer zot popilasyon ogmante; mon pou gard mon lalyans avek zot.

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Deterononm 28:4

SENYER ava beni ou bann zanfan, ou bann rekolt, ou troupo; i pou ogmant ou troupo bef ek ou troupo mouton.

Deterononm 30:9

SENYER, ou Bondye ava fer ou prospere en kantite dan tou sa ki ou ava antreprann. Ou ava ganny en kantite zanfan; ou bann bef, mouton, kabri ava ogmante, ou later ava prodwir bon rekolt. Annefe, parey i ti kontan ou bann zanset, SENYER ava kontan ou e fer ou prospere,

Deterononm 7:13

I pou kontan ou, beni ou, fer ou vin nonbre. I pou beni ou bann zanfan e fri ou later: Ou dible, ou diven ek ou delwil. I pou beni ou bann zannimo: Zenis e bann zenn mouton, lo later ki i'n fer serman avek ou bann zanset pour li donn ou.