Deterononm 27:15 - Labib An Kreol Seselwa

¹⁵ Malediksyon lo sa enn ki fabrik en zidol oubyen ki fer en stati. Sa travay ki en artizan in fer, ki'n ganny plase dan en landrwa sekre, i en lobze degoutan devan SENYER. Lepep ava reponn: Amenn!

Deterononm 27:15 ပူးပေါင်းရင်းမြစ်များ

Zenez 31:19

Laban ti'n al koup lalenn lo son bann mouton e Rasel ti profite pour vol bann pti stati dan lakaz son papa.

Zenez 31:34

Rasel ti'n kasyet sa bann pti stati anba lasel samo e i ti'n asiz lo la. Laban ti rod dan latant, me i pa ti war nanryen.

Zenez 9:25

Alor, i ti dir: Kanaan ava ganny modi! I ava vin dernyen lesklav son bann frer.

2 Rwa 17:19

Zida osi pa ti gard komannman SENYER zot Bondye: Zot ti swiv bann koutim ki Izrael ti'n entrodwir.

2 Rwa 23:13

Lerwa ti rann enpir bann landrwa sakre ki ti dan Les Zerizalenm, dan Sid montanny Destriksyon ki Salomon, lerwa Izrael, ti konstri pour Astarte. Sa ti en pratik degoutan bann Sidonit pour Kemos, Moab e pour Milkonm. Sa ti en pratik degoutan bann Amonit.

1 Kronik 16:36

Loue SENYER Bondye Izrael depi touzour, e pour touzour! Lepep antye ti dir: Amenn! Loue SENYER.

2 Kronik 33:2

I ti fer sa ki mal devan SENYER. I ti swiv tou bann pratik degoutan parey lezot bann nasyon ki SENYER ti'n fer disparet devan bann Izraelit.

Egzod 20:23

Zot pa pou fer okenn bondye annarzan oubyen annor. Zot pa pou ador bann bondye apard mwan.

Egzod 20:4

Ou pa pou fer okenn stati, nanryen ki annan laform okenn keksoz ki lao dan lesyel, oubyen anba lo later, oubyen ki dan delo ki pli ba ki later.

Egzod 34:17

Ou pa devre fonn metal pour fabrik okenn bondye.

Ezai 44:13

Sarpantye i tras en laliny avek en lakord, i desin avek lakre e mark avek konpa; i fer li en laform imen. I donn li en zoli tournir zonm e i met li dan en lakaz.

Ezai 44:17

Avek leres dibwa, i fer en bondye, son zidol. I azenou devan li e ador li; i priy avek li e i dir: Sov mwan, akoz ou ki mon bondye!

Ezai 44:19

Personn pa reflesir dan li menm; personn napa lentelizans ek disernman pour dir: Mon'n bril lanmwatye sa dibwa; mon'n osi kwi manze lo labrez, mon'n roti lavyann ki mon'n manze. Aprezan mon pou fer en stati degoutan avek leres. Mon pou fer reverans devan en morso dibwa.

Zeremi 11:3

La sa ki SENYER, Bondye Izrael i deklare: Sa enn ki pa obei kondisyon sa lalyans pou ganny modi.

Zeremi 11:5

Alor, mon pou gard sa promes ki mon ti fer avek zot zanset, konmkwa mon pou donn zot sa pei kot dile ek dimyel i koul annabondans. Lanmenm la kot zot ete ozordi. Mon ti reponn, “Wi, SENYER”.

Zeremi 23:24

Personn pa kapab zwe avek mwan ki mon pa pou war li. Eski ou pa konnen ki mon partou dan lesyel e lo later? SENYER i deklare.

Zeremi 28:6

I ti dir li: Amenn! Mon demande ki SENYER i azir parey ou'n dir koman en profet! Ki i ranmenn depi Babilonn tou bann lobze ki ti dan tanp ek lepep ki ti'n ganny anvoye annegzil.

Ezekyel 14:4

Alor koz avek zot e dir zot: La sa ki Senyer BONDYE i deklare: Dimoun parmi pep Izrael ki gard son bann zidol dan son leker, ki plas devan li en lobstak ki pou fer li tonbe par son fot, si i vin war profet, mwan SENYER ki pou reponn li kan i vini, akoz son kantite zidol.

Ezekyel 7:20

Zot ti fer vantar akoz zot labote ek zot larises; zot in servi pour fer zot bann stati degoutan ek lezot lobze degoutan. Alor, mwan SENYER, mon'n fer zot larises vin degoutan pour zot.

Danyel 11:31

Bann troup anba son komann, pou antre e rann enpir sanktyer ek son fortifikasyon. Zot pou fer arete bann sakrifis ofer sak zour e etabli en pratik degoutan.

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Levitik 19:4

Pa tourn ver bann fo bondye, ni fonn metal pour fabrik bann stati. Mwan menm SENYER zot Bondye.

Levitik 26:1

Zot pa pou fer okenn fo bondye, ni fabrik okenn stati, ni okenn pilye ros sakre. Zot pa pou fer okenn stati taye dan zot pei pour zot prostern devan zot. Mwan menm SENYER, zot Bondye.

Nonm 5:22

Sa delo ki donn malediksyon ava desann dan ou vant e fer li anfle e ou pou deperi. Sa fanm ava reponn: Amenn! Amenn!

Matye 24:15

“Zot ava war sa enn ki apel Devastater Terib ki profet Danyel in koz lo la. I pou ganny enstale dan landrwa sen. Sa enn ki lir sa, konpran!

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

1 Korentyen 14:16

Annefe, si ou remersye Bondye zis dan ou leker, ki mannyer en dimoun dan lasanble pou kapab reponn: Amenn, si i pa konnen ki ou pe dir?

Deterononm 27:14

Apre, bann levit ava deklare tre for avek bann Izraelit:

Deterononm 29:17

Zot in war zot bann lobze degoutan, zot bann stati an bwa, an ros, annarzan, annor.

Deterononm 4:25

Ler ou ava'n etabli ou dan sa pei pour en pe letan ek zanfan ek pti zanfan, pa tonm dan pese pour fer bann stati dan nenport ki laform. Si ou fer sa ki mal devan SENYER, ou Bondye e provok son lakoler,

Deterononm 5:8

Ou pa pou fabrik okenn stati, okenn laform keksoz ki dan lesyel, oubyen lo later, oubyen dan delo pli ba ki later.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

Ziz 17:3

I ti rann son manman sa 1,100 pyes larzan. Son manman ti dir, “Mon pou donn sa larzan SENYER dan lentansyon mon garson, pour fer en stati an metal. Mon pou rann ou sa larzan.”

Ziz 17:4

I ti rann sa larzan son manman ki ti pran 200 pyes e donn en fonder metal. Sa zonm ti fer en stati an metal ki i ti plas dan lakaz Mise.

1 Samyel 26:19

Aprezan, mon senyer, mon rwa, mon demann ou ekout mwan. Si SENYER ki'n anvoy ou kont mwan, alor, mon demann li pour aksepte en lofrann. Me si zonm ki pe fer sa, SENYER i ava pini zot. Zot in sas mwan e fer mwan perdi mon par dan patrimwann ki SENYER in donn nou. Zot pe dir mwan: Al kot en lot bondye.