Deterononm 23:23 - Labib An Kreol Seselwa

²³ Ou pa devre tarde pour akonpli sa ki ou promet. Ou devre akonpli sa ve ki ou'n fer volonterman anver SENYER, ou Bondye.

Deterononm 23:23 ပူးပေါင်းရင်းမြစ်များ

Psonm 116:18

Devan tou son pep, mon pou akonpli mon promes anver SENYER;

Psonm 50:14

Ofer Bondye en sakrifis remersiman e gard tou ou bann promes ki ou'n fer anver Bondye Treo.

Proverb 20:25

Dir san reflesir: Sa i sakre, i danzere. Pa reflesir selman apre ki ou'n fer en ve.

Zeremi 44:17

Nou pou kontinyen fer tou sa ki nou ti'n promet fer. Nou pou ofer bann lofrann lansan e bann lofrann diven an loner larenn lesyel, parey nou'n fer ziska aprezan e parey nou zanset, nou bann lerwa e nou bann sef ti abitye fer dan bann lavil Zida e dan bann lari Zerizalenm. Dan sa lepok, nou ti annan dekwa manze, nou ti pe prospere, nou ti napa okenn traka.

Levitik 27:2

Dir avek pep Izrael: Si en dimoun i oule akonpli en ve anver SENYER, i ava fer li dapre valer en et imen.

Nonm 30:2

Kan en zonm i fer en ve anver SENYER, oubyen pran en langazman avek serman anver li menm, i pou bezwen gard son parol; i ava fer parey i'n promet.

Matye 5:33

Zot in osi tande ki i'n ganny dir avek nou bann zanset: Pa kas ou serman, me akonpli bann ve ki ou'n promet par serman devan Senyer.

Akt de Zapot 23:12

Lannmen bomaten, bann Zwif ti zwenn ansanm pour mont en konplo. Zot ti fer en serman ki zot pa pou ni manze, ni bwar, ziska ki zot in touy Pol.

Akt de Zapot 23:21

Fodre pa ekout zot, akoz i annan plis ki 40 zonm ki pou kasyet pour esper li. Zot in fer en serman pour pa ni manze ni bwar ziska ki zot in touy li. Zot in pare pour fer li, e zot pe esper ou desizyon.”

Deterononm 23:22

Me si ou pa fer okenn ve, ou pa pou koupab pour okenn pese.

Deterononm 23:24

Si ou pas dan plantasyon rezen ou prosen, ou ava kapab manz kantite rezen ki ou anvi, ziska ou rasazye. Me ou pa pou pran pour met dan ou sak pour anmennen.

Zozye 9:18

Me bann Izraelit pa ti touy zot, akoz bann responsab lakominote ti'n fer serman lo non SENYER, Bondye Izrael. Me tou bann Izraelit ti mirmire kont zot bann sef.

Ziz 11:35

Koman Zefte ti war li, i ti desir son lenz. I ti dir, “Mon fiy! Ou met mwan dan dezespwar. Ou osi, ou fer maler tonm lo mwan. Mon'n angaz mwan devan SENYER e mon pa kapab retourn annaryer.”

1 Samyel 1:11

I ti fer sa ve: SENYER Toupwisan! Si ou zet en regar lo ou servant, dan son leta mizer, si ou pran pitye e pa oubliy ou servant; si ou donn mwan en garson, mon pou konsakre li tou son lavi pour servi ou. Razwar pa pou zanmen pas lo son latet.

1 Samyel 14:24

Bann Izraelit ti anba presyon sa zour. Alor, Sail ti pronons en serman lo pep Izrael, “Maler lo sa zonm ki ava manze avan fernwanr, avan ki mon'n vanz mon bann lennmi.” Alor, personn pa ti manz nanryen.