Deterononm 21:22 - Labib An Kreol Seselwa

²² Kan en zonm i'n ganny rekonnet koupab pour en krim ki merit lanmor, i ganny met anpandan avek en pye dibwa.

Deterononm 21:22 ပူးပေါင်းရင်းမြစ်များ

Zenez 40:19

Dan trwa zour, Faraon pou fer pann ou dan en pye dibwa, e zwazo pou vin bek ou laser.”

2 Samyel 21:10

Rispa, fiy Aya, ti pran en sak ki i ti tal lo ros pour li, depi konmansman larekolt, ziska ki lapli ti tonm lo bann kadav. I ti anpes bann zwazo vin lo zot pandan lazournen, e bann zannimo sovaz pandan lannwit.

2 Samyel 21:6

donn nou 7 zonm parmi son bann garson; nou ava ekspoz zot lekor devan SENYER dan lavil Gibea-Sail, sa enn ki SENYER ti'n swazir.” Lerwa ti dir, “Mon ava fer li.”

2 Samyel 21:9

I ti livre zot avek bann Gabaonit ki ti pann zot lo montanny devan SENYER. Tou le set ti ganny touye premye zour larekolt, o konmansman rekolt lorz.

2 Samyel 4:12

David ti donn lord son bann zonm pou touy zot. Zot ti koup zot lanmen ek zot lipye, e pann zot dan bor en pwi Hebron. Apre, zot ti pran latet Isboset e anter dan latonm Abner Hebron.

Nonm 25:4

SENYER ti dir Moiz, “Pran tou bann sef Izrael, pann zot devan SENYER an fas avek soley. Apre, sa gran lakoler SENYER ava tonbe.”

Matye 26:66

Ki zot mazinen?” Zot ti reponn, “I merit lanmor.”

Mark 14:64

Zot in antann li blasfenmen, ki zot desizyon?” Zot tou, zot ti kondann Zezi. Zot ti dir, “I merit lanmor.”

Levanzil dapre Lik 23:33

Kan zot ti ariv dan landrwa ki ti apel Krann, zot ti krisifye Zezi ek sa de kriminel, enn lo son kote drwat, lot lo son kote gos.

Akt de Zapot 23:29

Mon ti dekouver ki i pa ti'n fer nanryen ki merit lanmor ouswa prizon. Lakizasyon kont li ti en zafer an rapor avek zot prop lalwa.

Akt de Zapot 25:11

Si mon koupab, e si mon'n fer okenn keksoz ki merit lanmor, mon pa refize mor. Me si napa nanryen vre dan sa bann lakizasyon kont mwan, alor, personn napa drwa livre mwan dan zot lanmen. Mon fer rapel devan Sezar.”

Akt de Zapot 25:25

Lo mon kote, mon'n dekouver ki i pa'n fer nanryen ki merit lanmor, me akoz li menm i'n fer rapel devan Sezar, mon'n deside pour anvoy li kot Sezar.

Akt de Zapot 26:31

Pandan ki zot ti pe ale, zot ti dir ant zot, “Sa zonm pa'n fer okenn keksoz ki merit lanmor oubyen prizon.”

Deterononm 19:6

Petet ki dan son gran lakoler, vanzer disan i pourswiv sa zonm. Fodre pa alor, ki i kapab rezwenn li e touy li akoz semen ziska sa lavil i long. Sa zonm pa ti merit lanmor. Annefe, i pa ti annan okenn laenn kont son viktim.

Deterononm 22:26

Ou pa pou fer nanryen sa zenn fiy, akoz i pa'n komet okenn lofans ki merit lanmor. Annefe, sa ka i parey ka en zonm ki atak son prosen ki i touye.

Zozye 10:26

Apre, Zozye ti touy sa bann lerwa. I ti pann zot lo senk pye dibwa; zot lekor ti reste anpandan ziska aswar.

Zozye 10:27

Soley kouse, Zozye ti donn lord fer desann zot kadav. Zot ti ganny zete dan sa menm kavern kot zot ti'n al kasyet. Zot ti plas bann gro ros devan lantre kavern. Zot ankor la ziska ozordi.

Zozye 8:29

I ti pann lerwa Ai avek en pye dibwa pandan tou lazournen. Soley kouse, Zozye ti donn lord fer desann son kadav ki ti anpandan lo pye dibwa e zet li devan laport lavil. Zot ti kouver li avek en gro ta ros, ki touzour egziste.

1 Samyel 26:16

Sa ki ou'n fer la pa byen. Lo lavi SENYER! Ou, avek ou bann zonm, zot merit lanmor, akoz zot pa'n vey zot met, sa enn ki SENYER in konsakre. Rode oli lans lerwa ek son gargoulet delo ki ti obor son latet.”