Deterononm 20:20 - Labib An Kreol Seselwa

²⁰ Ou ava kapab koup zis bann pye dibwa ki pa prodwir fri pour manze; ou ava kapab koup zot pour fer bann fortifikasyon kont sa lavil ki pe lager kont ou, ziska ki i tonbe.

Deterononm 20:20 ပူးပေါင်းရင်းမြစ်များ

2 Rwa 3:19

Zot ava atak tou bann lavil fortifye ek tou bann lavil enportan. Zot ava koup tou bann bon pye dibwa. Zot ava bous tou bann sours delo, e fer dega avek ros dan tou bann meyer morso later.”

2 Kronik 26:15

I ti fer son enzenyer konstri bann masin lager dan Zerizalenm ki i ti plas lo bann tour, ek defans lo bann kwen miray pour tir fles e anvoy bann gro ros. Repitasyon Ozyas ti fannen e i ti ganny bokou led. Pour sa rezon, i ti vin tre pwisan.

Eklezyas 9:14

I ti annan en pti lavil ki annan en pti git zabitan. En gran lerwa ti atak sa lavil e konstri bann gran baraz otour li.

Ezai 37:33

Alor, la sa ki SENYER i deklare lo size lerwa Asiri: I pa pou antre dan sa lavil, ni tir en sel fles; i pa pou prezant devan li avek son boukliye ni mont en miray latak kont li.

Zeremi 33:4

Annefe, la sa ki SENYER, Bondye Izrael i deklare lo bann lakaz dan Zerizalenm ek bann pale bann lerwa Zida: Zot in ganny detri. Pa servi nanryen konbat kont bann miray ranfor e lite kont bann Babilonyen.

Zeremi 6:6

La sa ki SENYER liniver i deklare: Koup pye dibwa pour fer en baraz kont Zerizalenm. Sa lavil i bezwen ganny pini, akoz i ranpli avek vyolans.

Ezekyel 17:17

Menm avek en gran larme for, Faraon, lerwa Lezip pa pou kapab ede pour defann li dan lager kont Babilonn, kan zot fouy transe e mont miray latak pour detri en kantite lavi.

Deterononm 1:28

Kote nou pe ale? Nou bann frer in dekouraz nou. Zot ti dir nou ki sa pep i pli for e pli gran ki nou; bann lavil i gran e bann fortifikasyon i monte ziska lesyel; ki zot in menm war bann desandan zean.

Deterononm 20:19

Si avan ou atak en lavil, ou bezwen anserkle li pandan lontan, ou pa pou detri li akoud lars. Ou ava manz zot bann fri, san ki ou bezwen koup zot pye. Pye dibwa ki pouse dan laplenn pa parey en et imen pour ki ou anserkle li.

Deterononm 21:1

Si dan sa pei ki SENYER, ou Bondye pou donn ou pour pran posesyon, en kadav i ganny dekouver dan lakanpanny, e personn pa konnen lekel ki'n touy sa dimoun,