Deterononm 20:19 - Labib An Kreol Seselwa

¹⁹ Si avan ou atak en lavil, ou bezwen anserkle li pandan lontan, ou pa pou detri li akoud lars. Ou ava manz zot bann fri, san ki ou bezwen koup zot pye. Pye dibwa ki pouse dan laplenn pa parey en et imen pour ki ou anserkle li.

Deterononm 20:19 ပူးပေါင်းရင်းမြစ်များ

2 Rwa 3:19

Zot ava atak tou bann lavil fortifye ek tou bann lavil enportan. Zot ava koup tou bann bon pye dibwa. Zot ava bous tou bann sours delo, e fer dega avek ros dan tou bann meyer morso later.”

2 Rwa 3:25

Zot ti detri bann lavil, e sakenn ti zet son ros lo bann bon morso later ki ti kouver avek ros. Zot ti bous tou bann bon sours delo e koup tou bann bon pye dibwa. Alafen, ti reste zis ros dan Kir-Hareset; bann zonm arme avek fles ti anserkle e atak li.

Zeremi 6:6

La sa ki SENYER liniver i deklare: Koup pye dibwa pour fer en baraz kont Zerizalenm. Sa lavil i bezwen ganny pini, akoz i ranpli avek vyolans.

Matye 21:19

I ti war en pye fig obor semen. Kan i ti al gete, i ti war zis fey. I ti dir avek sa pye fig, “Ou pa pou zanmen raport fri ankor!” Deswit sa pye fig ti sek.

Matye 3:10

Konmela menm, lars in pare la obor rasin bann pye dibwa. Tou pye dibwa ki pa raport bon fri, pou ganny koupe e zet dan dife.

Deterononm 20:18

Konmsa, zot pa pou kapab fer ou imit tou sa bann aksyon degoutan ki zot fer an loner zot bondye e fer ou komet pese kont SENYER, zot Bondye.

Deterononm 20:20

Ou ava kapab koup zis bann pye dibwa ki pa prodwir fri pour manze; ou ava kapab koup zot pour fer bann fortifikasyon kont sa lavil ki pe lager kont ou, ziska ki i tonbe.

Deterononm 26:6

Bann Ezipsyen ti maltret nou e eksplwat nou. Zot ti fors nou travay koman lesklav.