Deterononm 18:22 - Labib An Kreol Seselwa

²² Si en profet i koz lo non SENYER, me sa ki i dir pa realize, oubyen i ganny rekonnet fo, alor, sa i en parol ki SENYER pa'n dir. Ou pa devre per li.

Deterononm 18:22 ပူးပေါင်းရင်းမြစ်များ

1 Rwa 22:28

Mise ti dir, “Si vreman ou retourn sen e sof, alor, SENYER pa'n zanmen koz par mwan.” I ti osi dir, “Tou bann pep! Ekoute.”

2 Rwa 20:1

Dan sa letan, Ezekyas ti tonm malad; i ti pre pour mor. Profet Ezai, garson Amoz ti vin kot li. I ti dir li, “La sa ki SENYER i deklare: Met lord dan ou bann zafer, akoz ou pou mor; ou pa pou geri.”

Proverb 26:2

Parey zwazo ki pase, parey zirondel ki anvole, malediksyon san rezon pa pran lo personn.

Ezai 41:22

Anmenn sa bann laprev e montre nou sa ki pou arive. Dir nou sa ki'n arive dan lepase; konmsa, nou ava pran zot an kont e nou ava konnen sa ki pou arive; oubyen, anons nou lavenir.

Zonas 3:4

Apre ki Zonas ti'n mars en zournen dan lavil, i ti kriye: Ankor dan 40 zour, Niniv pou ganny detri!

Zonas 4:2

I ti priy SENYER: SENYER! Sanmenm ki mon ti dir letan mon ti ankor dan mon pei. Pour sa rezon ki mon ti prefere sove pour al Tarsis, akoz mon konnen ki ou en Bondye ki bon e ranpli avek pitye, touzour pare pour pardonnen, ou pa pran lakoler vitman, ou ranpli avek lanmour e ou pa kontan fer ditor personn.

Zakari 2:13

Gard silans devan SENYER, akoz in leve sorti dan son sanktyer sakre.

Deterononm 18:20

Me nenport ki profet ki koz lo non lezot bondye, oubyen ki pretann koz lo mon non e ki dir en parol ki mon pa'n ordonn li, sa profet pou bezwen ganny touye.

Deterononm 18:21

Petet ou ava dir dan ou menm: Ki mannyer nou pou kapab rekonnet en parol ki SENYER pa'n dir?

1 Samyel 3:19

Samyel ti grandi. SENYER ti avek li e i ti fer realize tou son bann parol.