Deterononm 18:20 - Labib An Kreol Seselwa

²⁰ Me nenport ki profet ki koz lo non lezot bondye, oubyen ki pretann koz lo mon non e ki dir en parol ki mon pa'n ordonn li, sa profet pou bezwen ganny touye.

Deterononm 18:20 ပူးပေါင်းရင်းမြစ်များ

1 Rwa 13:19

Alor, i ti retourn avek sa profet. I ti manze e bwar delo kot li.

1 Rwa 18:19

Aprezan, fer rasanble pep Izrael antye. Rasanble zot lo montanny Karmel, ansanm avek sa bann 450 profet Baal ek sa 400 profet Asera ki Zezabel i nouri.”

1 Rwa 18:27

Ver midi, Eli ti gognard zot, “Kriy pli for! Pa i en bondye? Kekfwa i okipe, i pe vwayaze, oubyen i pe dormi e fodre revey li.”

1 Rwa 18:40

Eli ti dir zot, “Sezi sa bann profet Baal; pa les en sel sove.” Zot ti atrap sa bann profet; Eli ti anmenn zot kot larivyer Kisonn kot i ti egorz zot.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 23:30

Pour sa rezon, SENYER i deklare, mon atak sa bann profet ki pran mon parol avek kanmarad.

Zeremi 23:31

Mon osi kont sa bann profet ki anons zot prop mesaz e pretann ki i sorti kot mwan, SENYER i deklare.

Zeremi 26:11

Bann pret ek bann profet ti dir bann sef ek lepep antye, “Sa zonm i merit lanmor akoz in koz kont Zerizalenm. Zot tou, avek zot prop zorey, zot in tande sa ki i'n dir.”

Zeremi 27:15

Mon pa'n anvoy zot, SENYER i deklare; me zot pe anons mansonz ler zot pe koz lo mon non. Si ou ekout zot, mon pou deport ou, e ansanm avek sa bann profet manter, zot pou ganny touye.

Ezekyel 13:6

Zot vizyon in ganny envante, zot prediksyon i en bann mansonz. Zot dir: SENYER in deklare, kan SENYER pa'n anvoy zot e zot ekspekte zot parol realize.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Zakari 13:3

Si zanmen okenn profet i aparet ankor, zot papa ek zot manman ki ti fer zot, pou dir zot: Zot pa pou viv, akoz zot koz lalang lo non SENYER. Alor, zot papa e zot manman pou touy zot, pandan ki zot profetize.

Matye 7:15

Mefye zot bann fo profet. Zot vin kot ou degize dan lapo mouton, me anndan, zot en bann loulou feros.

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Deterononm 17:12

En dimoun ki azir avek larogans, ki pa obeir pret ki'n ganny plase pour ofer sakrifis devan SENYER, ou Bondye, oubyen ki pa'n ekout sa ziz, sa dimoun ava ganny touye. Konmsa, ou ava fer disparet sa ki mal dan Izrael.

Deterononm 18:21

Petet ou ava dir dan ou menm: Ki mannyer nou pou kapab rekonnet en parol ki SENYER pa'n dir?

Deterononm 18:22

Si en profet i koz lo non SENYER, me sa ki i dir pa realize, oubyen i ganny rekonnet fo, alor, sa i en parol ki SENYER pa'n dir. Ou pa devre per li.

2 Pyer 2:12

Me sa bann zans, zot azir avek zot lensten, parey bann zannimo sovaz ki'n ne zis pour ganny atrape e touye. Zot ensilte dimoun ki zot pa ni menm konnen. Zot pou ganny detri parey sa bann zannimo sovaz.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

Ziz 2:15

Parey SENYER ti'n dir, e par en serman, sak fwa zot ti sorti pour fer lager, lanmen SENYER ti kont zot ti tonm dan maler. Alor, zot ti dan en gran detres.