Deterononm 18:10 - Labib An Kreol Seselwa

¹⁰ Personn parmi zot pa devre ofer son garson, oubyen son fiy an sakrifis, ni fer divinasyon, ni predir lavenir, ni pratik mazik, ni fer sorsye,

Deterononm 18:10 ပူးပေါင်းရင်းမြစ်များ

Zenez 44:5

Eski sa lakoup ki mon senyer i bwar ladan e ki i servi pour devin lavenir pa avek zot? Sa ki zot in fer i mal.”

2 Rwa 16:3

Me i ti fer parey bann lerwa Izrael e i ti menm ofer an sakrifis son garson, dapre bann pratik degoutan bann nasyon ki SENYER ti'n sase devan pep Izrael.

2 Rwa 17:15

Zot ti'n rezet son bann regleman, lalyans ki i ti'n fer avek zot bann zanset, ek bann avertisman ki i ti'n donn zot. Zot ti'n swiv bann lobze ki pa vo nanryen e zot menm zot in perdi zot valer. Zot ti swiv koutim bann nasyon otour zot, e ki SENYER Bondye ti'n defann zot imite.

2 Rwa 17:17

Zot ti'n ofer zot garson ek zot fiy an sakrifis; zot ti'n pratik divinasyon, konsilte bann sorsye e vann zot lekor pour fer sa ki depler SENYER e provok son lakoler.

2 Rwa 21:6

I ti ofer son garson an sakrifis; i ti menm pratik mazik e konsilte bann ki predir lavenir ek bann sorsye. I ti fer en kantite keksoz mal ki depler SENYER, e provok son lakoler.

2 Rwa 23:24

Pour li realiz bann parol lalwa ki'n ganny ekri dan sa liv ki pret Hilkiya ti'n trouve dan tanp SENYER, Zozyas ti osi elimin tou dimoun ki envok bann lespri ek bann medyonm, bann pti stati bondye, bann gran stati ek tou bann pratik degoutan ki ti egziste dan pei Zida e dan Zerizalenm.

1 Kronik 10:13

Sail ti mor akoz i pa ti fidel anver SENYER; i pa ti obei komannman SENYER. I ti'n osi al konsilte lespri bann mor.

2 Kronik 28:3

I ti bril sakrifis dan Vale Inonm e menm bril son bann garson dan dife, koman sakrifis. I ti swiv bann pratik degoutan bann nasyon ki SENYER ti'n pouse pour fer plas pour pep Izrael.

2 Kronik 33:6

I ti ofer son bann garson koman sakrifis dan dife, dan vale Inonm. I ti pratik divinasyon, sorselri, konsilte bann ki predir lavenir ek bann ki envok dimoun mor. Deplizanpli, i ti fer sa ki mal devan SENYER pour fer son lakoler monte.

Egzod 22:17

Si papa sa fiy i refize les son fiy marye, alor sa zonm ki'n sedwir sa vyerz, ava pey lekivalan annarzan, kado ki ganny peye pour kapab marye avek en fiy vyerz.

Egzod 22:18

Ou pa pou permet en sorsye viv.

Ezai 47:13

Ou'n fatig ou afors demann konsey. Les dimoun ki etidye lesyel vin sov ou; les sa bann ki lir dan bann zetwal, ki sak nouvellin i anons zot sa ki pou arive, les zot vin sov ou.

Zeremi 27:10

Annefe, tou sa ki zot anons ou koman profesi, i en bann mansonz. Si ou ekout zot, mon pou fer ou ganny deporte, mon pou anvoy ou lwen ek ou pei e ou pou disparet konpletman.

Zeremi 27:9

Zot pa bezwen ekout zot bann profet ni sa bann ki predir lavenir, ni zot prop rev, oubyen envok lespri dimoun mor, ni fer mazi. Zot tou, zot pe dir ou: Ou pa pou tonm anba pouvwar lerwa Babilonn.

Zeremi 32:35

Zot in konstri bann landrwa kot zot ador bondye Baal dan vale Benn-Hinonm. Zot fer bril dan dife zot garson ek zot fiy an loner bondye Molek. Zanmen mon ti demann zot fer sa; e zanmen mon ti mazinen ki zot ti ava fer en keksoz parey pour fer Zida komet pese.

Zeremi 7:31

Dan vale Benn-Hinonm, zot in enstal zot landrwa sakre ki zot apel Tofet, pour zot bril zot garson ek zot fiy an sakrifis. Zanmen mon'n demann zot fer sa, e zanmen mon'n mazin en keksoz parey.

Levitik 19:26

Pa manz okenn lavyann avek son disan. Pa pratik mazik, ni devinen.

Levitik 19:31

Pa konsilte bann lespri dimoun mor, ni bann lespri divinasyon; pa al rod zot, akoz zot ava rann ou enpir. Mwan menm SENYER zot Bondye.

Levitik 20:6

Sa enn ki al konsilte bann medyonm ek lespri dimoun mor pour li prostitye son lekor, mon pou tourn kont li e sas li parmi lepep.

Mise 5:12

Mon pou detri tou sorsye kot ou; pou nepli annan deviner, kot ou.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Akt de Zapot 19:19

En kantite ki ti pratik mazik, ti anmenn zot bann liv e brile devan tou dimoun. Zot ti estim valer tou sa bann liv 50,000 pyes larzan.

Akt de Zapot 8:9

Me ti annan dan sa menm lavil, en zonm ki ti apel Simon. Pandan en pe letan, i ti pe etonn bann zabitan Samari par son bann pratik mazik. I ti fer li pas pour en zonm byen enportan.

Galat 5:20

ladorasyon zidol, siperstisyon, laenn, diskord, zalouzi, lakoler, egoism, divizyon,

Deterononm 12:31

Ou pa pou azir konmsa anver SENYER, ou Bondye, akoz sa bann nasyon in fer toudsort keksoz degoutan pour zot bann bondye ki SENYER i deteste. Zot ti menm bril zot bann garson ek zot bann fiy an sakrifis, an loner zot bann bondye.

1 Samyel 15:23

Rebelyon i parey pese sorselri; larogans i osi grav ki ladorasyon pti stati bondye etranze. Akoz ou'n rezet laparol SENYER, li osi i'n rezet ou: Ou pou nepli lerwa.”

1 Samyel 28:3

Samyel ti'n mor, e pep Izrael antye ti plere, e zot ti'n anter li dan son lavil Rama. Sail ti'n fer disparet tou bann deviner ek bann ki envok lespri.

1 Samyel 28:7

Sail ti dir son bann zofisye, “Rod mwan en fanm ki envok dimoun mor, pour mwan al konsilte avek li.” Zot ti dir li “I annan en fanm ki envok dimoun mor Andor.”

1 Samyel 28:8

Alor, Sail ti degiz li dan en lenz diferan. I ti pran de zonm avek li. Zot ti ariv pandan lannwit kot sa fanm. Sail ti dir li, “Mon demann ou envok en mor pour mwan, e fer monte sa enn ki mon pou dir ou.”

1 Samyel 28:9

Sa fanm ti dir li, “Sirman ou konnen sa ki Sail in fer. I'n fer disparet tou bann ki envok bann lespri bann mor dan sa pei. Akoz ou oule met mwan dan en latrap e koz mon lanmor.”