Deterononm 17:17 - Labib An Kreol Seselwa

¹⁷ I pa devre annan bokou fanm, pour ki son leker pa detourn avek Bondye. I pa devre annan en kantite larzan ek lor pour li.

Deterononm 17:17 ပူးပေါင်းရင်းမြစ်များ

Zenez 2:24

Pour sa rezon, en zonm i kit son papa ek son manman pour atas li avek son fanm, e tou le de zot vin en sel laser.

2 Samyel 12:11

La sa ki SENYER i deklare: Mon pou anvoy maler lo ou, sorti dan ou prop fanmir; mon pou aras ou, ou bann fanm devan ou prop lizye, e mon pou donn avek enn ou fanmir pros ki ava dormi avek zot an plen zour.

2 Samyel 5:13

Apre ki David ti'n sorti Hebron e etabli li dan Zerizalenm, i ti pran ankor plizyer fanm ek menazer ki ti donn li ankor plis garson ek fiy.

1 Rwa 10:21

Tou son bann servis labwason ti annor, e tou bann vesel pale Lafore Liban ti annor pir; ti napa okenn vesel annarzan, akoz larzan pa ti annan gran valer dan letan Salomon.

1 Rwa 10:27

Lerwa ti fer larzan dan Zerizalenm vin konmsi ros, e sed an gran kantite, parey sikomor dan Sefela.

1 Kronik 14:3

David ti pran ankor plizyer fanm dan Zerizalenm e i ti ganny ankor en kantite garson ek fiy.

2 Kronik 1:15

Lerwa ti fer ki larzan ek lor dan Zerizalenm ti vin konmsi ros, e sed ti an si gran kantite, ki i ti parey sikomor dan Sefela.

2 Kronik 11:21

Roboanm ti kontan Maaka, fiy Absalon plis ki tou lezot son bann fanm marye ek bann menazer. Annefe, i ti annan 18 fanm marye, ek 60 fanm menaz. I ti fer 28 garson ek 60 fiy.

Nehemi 13:26

Konmsa menm ki Salomon, lerwa Izrael ti fer pese. Ti napa okenn lerwa parey li parmi tou sa kantite nasyon. Son Bondye ti kontan li, e Bondye ti'n etabli li koman lerwa lo Izrael antye. Sepandan, bann fanm etranze ti osi trenn li dan pese.

Psonm 62:10

Pa met ou konfyans dan vyolans; pa esper vin ris avek keksoz vole. Menm si ou larises i ogmante, pa met ou leker lo la.

Proverb 31:3

Pa donn ou lafors bann fanm; pa les ou ganny anbete par bann fanm ki koz maler bann lerwa.

Malasi 2:15

Bondye pa i'n fer zot en sel lekor e donn zot sa menm souf lavi? Son sel dezir se ki zot ganny zanfan ki vin vreman pep Bondye. Alor, fer atansyon ki personn pa kas promes fidelite ki i'n fer avek son fanm dan son zenes.

Matye 13:22

Bann lagrenn ki tonm parmi bann zarbis pikan, zot parey sa bann dimoun ki antann Laparol, me traka lemonn, plezir lavi ek larzan i touf Laparol e zot pa prodwir okenn fri.

Matye 19:5

e ki i ti osi dir: Pour sa rezon, en zonm pou kit son papa ek son manman pour ini avek son fanm, e tou le de pou vin en sel laser.

Levanzil dapre Lik 12:15

Alor i ti dir zot, “Fer atansyon lanmour pour larises, akoz lavi en zonm pa depann zis lo son larises.”

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

1 Timote 6:9

Me bann ki oule vin ris, zot tonm dan tantasyon e dan pyez en kantite dezir fou e visye, ki plonz dimoun dan larin e provok zot maler.