Deterononm 16:19 - Labib An Kreol Seselwa

¹⁹ Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Deterononm 16:19 ပူးပေါင်းရင်းမြစ်များ

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Egzod 23:2

Ou pa pou swiv lopinyon mazorite dimoun ki oule fer dimal, ni servi fo temwen dan en zafer, e tonm dakor avek en mazorite kont lazistis.

Egzod 23:3

Ou pa pou sanz ou temwannyaz dan en zafer par preferans pour en dimoun zis akoz i pov.

Proverb 15:27

Sa enn ki tay deryer larzan, i anmenn maler dan son fanmir. Me sa enn ki deteste pran gous ava viv lontan.

Proverb 17:23

Dimoun malonnet i aksepte gous anba latab, pour ki lalwa pa ganny aplike.

Proverb 18:5

I pa byen donn rezon sa enn ki koupab; oubyen refiz enn ki zis, son drwa

Proverb 24:23

La ankor bann konsey sorti kot bann saz: I pa bon donn fo zizman.

Proverb 24:28

Pa temwanny san rezon kont ou vwazen; e pa koz manti.

Proverb 31:5

Ler zot in bwar, zot oubliye sa ki lalwa i dir e zot trai drwa bann pov.

Eklezyas 7:7

Pouvwar i rann en saz fou; kado i fer perdi bon rezonnman.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Ezekyel 18:8

I pa pret son larzan avek lentere; ni egziz en profi lo la. I evit bann move pratik e i donn en bon zizman dapre lazistis.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Mise 7:3

Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Habakouk 1:4

Alor, lalwa nepli ganny pratike. Personn pa rann lazistis koman fodre. Malfeter i atak sa enn ki bon. Alor, lazistis i ganny bafwe bann ziz i rann bann zizman enzis.

Akt de Zapot 10:34

Pyer ti pran laparol. I ti dir, “Aprezan, mon vreman konpran ki Bondye pa fer preferans pour personn,

Akt de Zapot 16:37

Me Pol ti dir avek bann zofisye, “Zot in fer bat nou an piblik san okenn zizman pour prouve ki nou koupab, nou ki sitwayen Romen. Apre, zot in met nou dan prizon, e aprezan, zot oule fer nou sorti an kasyet? Non, sa pa pou pas konmsa. Dir zot vin larg nou zot menm.”

Akt de Zapot 23:3

Alor Pol ti dir li, “Bondye ki pou kalot ou, miray blansi! Ou pe asiz la pour ziz mwan dapre Lalwa. Me ou menm, ou kas Lalwa, ler ou donn lord kalot mwan.”

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Deterononm 16:18

Ou ava nonm bann ziz ek bann mazistra dan sak tribi, dan tou zot bann lavil ki SENYER, ou Bondye pou donn ou. Zot ava ziz lepep dapre lazistis.

Deterononm 24:17

Ou pa pou priv en etranze ki reste kot ou oubyen en orfelen son drwa. Ou pa pou pran angaz lenz en vev.

Deterononm 27:19

Malediksyon lo sa enn ki priv en etranze, en orfelen e en vev zot drwa. Lepep ava dir: Amenn!

Deterononm 27:25

Malediksyon lo sa enn ki aksepte gous pou fer koule disan inosan. Lepep ava dir: Amenn!

1 Samyel 12:3

La mon la. Akiz mwan devan SENYER e devan sa enn ki'n resevwar son lonksyon. Lekel ki mon'n pran son bef? Lekel ki mon'n pran son bourik? Lekel ki mon'n eksplwate? Lekel ki mon'n fer dimal? Lekel ki mon'n kraze? Avek lekel ki mon'n deza pran gous pour ferm mon lizye lo sa ki i'n fer. Dir mwan, e mon ava rann zot sa ki pour zot.”

1 Samyel 8:1

Ler Samyel ti'n vye, i ti nonm son de garson koman ziz pep Izrael.

1 Samyel 8:3

Bann garson Samyel pa ti swiv legzanp zot papa. Zot ti les zot ganny tante par larzan; zot ti aksepte gous, e pas fo zizman.