Deterononm 15:20 - Labib An Kreol Seselwa

²⁰ Toulezan, ou ava manz li avek ou fanmir ek ou bann serviter devan SENYER, ou Bondye, dan landrwa kot SENYER ava'n swazir.

Deterononm 15:20 ပူးပေါင်းရင်းမြစ်များ

Levitik 7:15

Lavyann ki servi pour sakrifis lape an rekonesans, ava ganny manze menm zour ki sakrifis i ganny ofer. Fodre pa les okenn lavyann reste ziska lannmen bomaten.

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Deterononm 12:14

me zis la kot SENYER ava swazir parmi enn ou bann tribi, la kot ou ava ofer ou bann sakrifis konplet. Se la osi kot ou ava fer tou sa ki mon ordonn ou.

Deterononm 12:17

Dan bann lavil kot ou pou reste, ou pa pou osi kapab manz par lofrann dible, diven ek delwil bann premye ne ou bann troupo, ni okenn ou bann lofrann pour en ve, oubyen lofrann volonter oubyen ou bann donasyon.

Deterononm 14:23

Ou ava manz ladim ou dible, ou diven nouvo ek ou delwil, bann premye ne ou bann troupo, dan landrwa kot SENYER, ou Bondye ava swazir pour manifeste prezans son non. Konmsa, ou ava aprann ki mannyer ou pou annan respe pour SENYER, ou Bondye.