Deterononm 14:26 - Labib An Kreol Seselwa

²⁶ La, ou ava kapab servi sa larzan pour aste sa ki oule: Bef, mouton, diven, labwason for, oubyen nenport kwa ki fer ou plezir. Ou ava manz la dan prezans SENYER, ou Bondye. Ou ava rezouir, ou avek ou fanmir ek ou bann serviter.

Deterononm 14:26 ပူးပေါင်းရင်းမြစ်များ

Esdras 7:22

ziska trwa tonn larzan, 30 tonn dible, 4,000 lit diven, 4,000 lit delwil e tou disel ki i bezwen.

Psonm 106:14

Dan dezer, zot ti ranpli avek lanvi. Dan later arid, zot ti provok Bondye.

Eklezyas 9:7

Ale, manz ou dipen avek lazwa e bwar ou diven avek en leker kontan; akoz Bondye in deza aprouv ou travay.

Matye 21:12

Zezi ti antre dan Tanp e sas tou bann ki ti pe aste e vann dan Tanp. I ti savir latab bann ki ti pe sanz larzan e sez bann ki ti pe vann pizon.

Mark 11:15

Zot ti ariv Zerizalenm. Zezi ti antre dan Tanp kot i ti konmans sas bann vander ek bann aster. I ti savir latab bann ki ti pe sanz larzan, ek sez bann ki ti pe vann pizon.

1 Korentyen 10:6

Sa ki'n arive, i servi koman legzanp pour nou, pour ki nou pa ganny bann move dezir parey zot.

Deterononm 12:12

Zot tou, zot ava rezouir devan SENYER, zot Bondye avek zot bann zanfan, zot bann fiy, zot bann serviter ek zot bann servant, avek bann levit ki reste dan zot lavil e ki napa okenn par dan zot patrimwann.

Deterononm 12:15

Sepandan, kan ou ava anvi, ou ava kapab touy en zannimo e manz lavyann dan nenport bann lavil dapre bann benediksyon ki SENYER, ou Bondye in akord ou. Dimoun enpir e dimoun pir ava kapab manz sa lavyann, konmsi zot ti pe manz lavyann gazel oubyen serf.

Deterononm 12:18

Ou ava manz sa bann keksoz dan prezans SENYER, ou Bondye, la kot SENYER, ou Bondye ava swazir, ou, avek ou bann garson ou bann fiy, ou bann serviter ek ou bann servant, avek bann levit ki reste dan ou bann lavil. Dan prezans SENYER, ou Bondye, zot ava zouir ansanm pour tou son bann travay.

Deterononm 12:7

Zot ava manz la, dan prezans SENYER, zot Bondye, avek zot fanmir, avek zot bann serviter. Zot ava dan lazwa, akoz SENYER in beni zot dan tou sa ki zot in antreprann.

Deterononm 14:25

ou ava vann sa prodwi e anmenn larzan. Ou ava byen gard sa larzan dan ou lanmen e al dan sa landrwa ki SENYER, ou Bondye ava'n swazir.

Deterononm 26:11

Apre, ou, avek bann levit ek bann etranze ki reste kot ou, zot ava selebre pour tou bann byenfe ki SENYER, ou Bondye in donn ou ek ou fanmir.