Deterononm 12:31 - Labib An Kreol Seselwa

³¹ Ou pa pou azir konmsa anver SENYER, ou Bondye, akoz sa bann nasyon in fer toudsort keksoz degoutan pour zot bann bondye ki SENYER i deteste. Zot ti menm bril zot bann garson ek zot bann fiy an sakrifis, an loner zot bann bondye.

Deterononm 12:31 ပူးပေါင်းရင်းမြစ်များ

2 Rwa 16:3

Me i ti fer parey bann lerwa Izrael e i ti menm ofer an sakrifis son garson, dapre bann pratik degoutan bann nasyon ki SENYER ti'n sase devan pep Izrael.

2 Rwa 17:31

zabitan Ava ti fer Nibaz ek Tartak; zabitan Sefarvaim ti bril zot bann zanfan an sakrifis pour zot bondye Adramelek ek Anamelek, bann bondye Sefarvaim.

2 Rwa 21:2

Manase ti fer sa ki depler SENYER, i ti pratik bann aksyon degoutan parey bann nasyon ki SENYER ti'n sase devan pep Izrael.

2 Rwa 3:27

Alor, i ti pran son lene garson ki ti devre vin lerwa dan son plas e ofer li koman sakrifis konplet lo miray lavil. Sa ti fer lev en gran lafreyer parmi bann Izraelit; zot ti abandonn bann Moabit e retourn dan zot pei.

2 Kronik 33:2

I ti fer sa ki mal devan SENYER. I ti swiv tou bann pratik degoutan parey lezot bann nasyon ki SENYER ti'n fer disparet devan bann Izraelit.

2 Kronik 36:14

Tou bann sef parmi bann pret e parmi lepep, ti vin pli enfidel anver Bondye e zot ti imit bann nasyon dan zot bann pratik degoutan. Zot ti profann tanp SENYER, ki i ti'n konsakre, dan Zerizalenm.

Psonm 106:37

Zot ti ofer zot prop garson ek zot bann fiy koman sakrifis avek bann demon.

Egzod 23:2

Ou pa pou swiv lopinyon mazorite dimoun ki oule fer dimal, ni servi fo temwen dan en zafer, e tonm dakor avek en mazorite kont lazistis.

Zeremi 32:35

Zot in konstri bann landrwa kot zot ador bondye Baal dan vale Benn-Hinonm. Zot fer bril dan dife zot garson ek zot fiy an loner bondye Molek. Zanmen mon ti demann zot fer sa; e zanmen mon ti mazinen ki zot ti ava fer en keksoz parey pour fer Zida komet pese.

Zeremi 7:31

Dan vale Benn-Hinonm, zot in enstal zot landrwa sakre ki zot apel Tofet, pour zot bril zot garson ek zot fiy an sakrifis. Zanmen mon'n demann zot fer sa, e zanmen mon'n mazin en keksoz parey.

Ezekyel 20:31

Menm aprezan, kan zot ofer sakrifis zot bann zanfan ki zot brile dan dife devan bann zidol, zot rann zot enpir. Pep Izrael! Zot krwar mon pou les zot konsilte mwan? Osi vre ki mon vivan, mon pa pou les zot konsilte mwan, Senyer BONDYE i deklare.

Ezekyel 23:27

Mon pou met en lafen avek ou bann aksyon imoral ek ou lavi prostitisyon ki ou ti'n konmanse depi ki ou'n sorti Lezip. Ou pou nepli get zonm, ni mazin Lezip.

Levitik 18:21

Ou pa pou ofer enn ou zanfan an sakrifis avek Molek. Sa i ava dezonor non ou Bondye. Mwan menm SENYER.

Levitik 18:3

Pa imit bann pratik ki ganny fer Lezip kot zot ti reste, ni sa ki ganny pratike dan pei Kanaan kot mon pe anmenn zot. Fodre pa swiv zot bann pratik.

Levitik 20:2

Dir bann Izraelit: Sa enn parmi pep Izrael oubyen parmi bann etranze ki reste Izrael ki ofer bondye Molek enn zot bann zanfan an sakrifis, ava ganny touye. Lepep ava saboul zot avek ros.

Mise 6:7

Eski bann milye mouton mal, bann milye larivyer delwil pour fer plezir SENYER? Eski mon devre ofer mon lene garson pour pardon nou bann pese? Eski mon bezwen donn mon zanfan, pour mon prop fot?

Deterononm 12:30

Fer atansyon ou pa les ou ganny tante pour imit zot, menm apre ki ou'n detri zot. Ou pa pou al rod lenformasyon lo zot bann bondye e dir: Ki mannyer sa bann nasyon ti ador zot bann bondye? Mwan osi, mon oule fer parey zot.

Deterononm 12:4

Zot pa pou ador SENYER, zot Bondye parey lezot nasyon.

Deterononm 20:18

Konmsa, zot pa pou kapab fer ou imit tou sa bann aksyon degoutan ki zot fer an loner zot bondye e fer ou komet pese kont SENYER, zot Bondye.

Deterononm 9:4

Kan SENYER, ou Bondye ava'n sas zot devan ou, pa dir dan ou menm: Si SENYER in anmenn mwan isi pour okip sa pei, sa i akoz mon zis; me plito, akoz mesanste sa bann nasyon ki devan ou, SENYER in pran tou sa ki zot annan.

Deterononm 9:5

Ou pa pe al pran posesyon sa pei akoz ou zis, oubyen akoz ou leker i drwat, me akoz mesanste sa bann nasyon ki SENYER, ou Bondye pe al pran avek zot tou sa ki zot annan. Konmsa, promes ki SENYER ti fer avek ou bann zanset Abrahanm, Izaak ek Zakob, ava ganny akonpli.