Deterononm 12:30 - Labib An Kreol Seselwa

³⁰ Fer atansyon ou pa les ou ganny tante pour imit zot, menm apre ki ou'n detri zot. Ou pa pou al rod lenformasyon lo zot bann bondye e dir: Ki mannyer sa bann nasyon ti ador zot bann bondye? Mwan osi, mon oule fer parey zot.

Deterononm 12:30 ပူးပေါင်းရင်းမြစ်များ

2 Rwa 16:10

Lerwa Akaz ti mont Damas pour al zwenn Tiglat-Pileser, lerwa Asiri. Ler i ti war lotel ki ti Damas, lerwa Akaz ti anvoy en model sa lotel avek tou bann detay, kot pret Ouri.

2 Rwa 17:15

Zot ti'n rezet son bann regleman, lalyans ki i ti'n fer avek zot bann zanset, ek bann avertisman ki i ti'n donn zot. Zot ti'n swiv bann lobze ki pa vo nanryen e zot menm zot in perdi zot valer. Zot ti swiv koutim bann nasyon otour zot, e ki SENYER Bondye ti'n defann zot imite.

Egzod 23:24

Ou pa pou prostern devan zot bondye, ni ador zot, ni swiv zot bann pratik. O kontrer, ou ava detri zot konpletman e kas zot bann pilye sakre an pti morso.

Zeremi 10:2

La sa ki SENYER i deklare: Pa aprann sa ki lezot nasyon i pratike Pa per bann fenomenn ki pas dan lesyel parey lezot nasyon.

Ezekyel 11:12

Alor, ou ava konnen ki mwan menm SENYER. Ou pa'n swiv mon bann regleman, ni mon bann desizyon, me ou'n swiv regleman bann nasyon ki otour ou.

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 20:32

Zot in met dan zot lespri ki zot pou vin parey lezot nasyon. Parey lezot pep dan lezot pei, zot oule ador bann pye dibwa ek ros. Me sa pa pou zanmen arive.

Levitik 18:3

Pa imit bann pratik ki ganny fer Lezip kot zot ti reste, ni sa ki ganny pratike dan pei Kanaan kot mon pe anmenn zot. Fodre pa swiv zot bann pratik.

Levitik 18:30

Alor, zot ava gard tou sa ki mon'n ordonn zot. Pa pratik sa bann aksyon degoutan ki ti ganny komet avan zot. Konmsa, zot pa ava rann zot enpir. Mwan menm SENYER zot Bondye.

Nonm 33:52

zot ava sas tou bann zabitan sa pei, detri tou zot bann fo bondye an pyer oubyen an feray e tou zot landrwa sakre.

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Efezyen 4:17

Mon sipliy zot lo non Senyer: Aret viv koman sa bann ki pa konn Bondye. Zot mannyer reflesir pa vo nanryen.

Deterononm 11:16

Me atansyon zot pa les zot leker ganny sedwir pour al servi e ador lezot bondye.

Deterononm 12:29

SENYER, ou Bondye ava detri devan ou, bann nasyon kot ou pe ale pour ou pran tou sa ki zot posede. Ou ava pran tou zot byen, e etabli ou dan zot pei.

Deterononm 12:31

Ou pa pou azir konmsa anver SENYER, ou Bondye, akoz sa bann nasyon in fer toudsort keksoz degoutan pour zot bann bondye ki SENYER i deteste. Zot ti menm bril zot bann garson ek zot bann fiy an sakrifis, an loner zot bann bondye.

Deterononm 18:9

Zour ou ava ariv dan pei ki SENYER, ou Bondye pou donn ou, ou pa devre imit bann pratik degoutan sa bann nasyon.

Deterononm 20:18

Konmsa, zot pa pou kapab fer ou imit tou sa bann aksyon degoutan ki zot fer an loner zot bondye e fer ou komet pese kont SENYER, zot Bondye.

Deterononm 7:16

Ou pou detri tou bann pep ki SENYER, ou Bondye pe livre dan ou lanmen. Ou pa pou montre okenn pitye pour zot. Ou pa pou servi zot bann bondye, akoz sa i riske vin en pyez pour ou.