Deterononm 12:29 - Labib An Kreol Seselwa

²⁹ SENYER, ou Bondye ava detri devan ou, bann nasyon kot ou pe ale pour ou pran tou sa ki zot posede. Ou ava pran tou zot byen, e etabli ou dan zot pei.

Deterononm 12:29 ပူးပေါင်းရင်းမြစ်များ

2 Kronik 33:2

I ti fer sa ki mal devan SENYER. I ti swiv tou bann pratik degoutan parey lezot bann nasyon ki SENYER ti'n fer disparet devan bann Izraelit.

Psonm 78:55

I ti sas bann nasyon devan zot. I ti partaz pei e donn sakenn son par e enstal bann tribi Izrael dan zot latant.

Egzod 23:23

Mon lanz ava mars devan ou e i ava anmenn ou kot bann Amorit, bann Hitit, bann Perizit, bann Kananeen, bann Hivit ek bann Zebizit, e mon pou fer sa bann pep disparet.

Deterononm 12:30

Fer atansyon ou pa les ou ganny tante pour imit zot, menm apre ki ou'n detri zot. Ou pa pou al rod lenformasyon lo zot bann bondye e dir: Ki mannyer sa bann nasyon ti ador zot bann bondye? Mwan osi, mon oule fer parey zot.

Deterononm 19:1

Kan SENYER, ou Bondye ava fer disparet bann nasyon dan ou pei ki SENYER, ou Bondye in donn ou. Kan ou ava'n pran posesyon zot byen e etabli dan zot bann lavil e dan zot lakaz,

Deterononm 9:3

Ozordi, rekonnet ki SENYER, ou Bondye i sa enn ki pe travers larivyer Zourden devan ou parey en dife ki bril tou. I pou detri zot e imilye zot devan ou. Konmsa, ou ava kapab pran tou sa ki zot annan e detri zot vitman, parey SENYER ti promet ou.

Zozye 21:43

SENYER ti donn bann Izraelit sa pei antye parey i ti'n promet zot zanset. Zot ti pran posesyon sa pei kot zot ti etabli zot.

Zozye 23:4

Gete! Mon'n donn zot par tiraz osor koman par pour sak tribi, teritwar bann nasyon ki reste depi larivyer Zourden, ek tou bann nasyon ki mon'n detri ziska lanmer Mediterane, dan Was.